Shefi i Grupit Parlamentar të Grupit të Deputetëve të Pavarur, Dardan Sejdiu pas mbledhjes së Kryesisë së Kuvendit, ka thënë se seanca e radhës së Kuvendit do të mbahet më 16 prill, ku do të trajtohen 26 pika të rendit të ditës prej të cilave 5 janë interpelanca.
“Jam i lumtur që më në fund që interpelanca me “Contour Global” do ta trajtojmë në Kuvend aty ku e ka vendin. Është një marrëveshje që ka implikime financiare edhe ligjore”, ka thënë Sejdiu.
Ai ka thënë se vendimi i kryesisë është që interpelancat të trajtohen me rend një pas një dhe kështu gjatë javës së ardhshme t’i heqim 26 pikat e rendit të ditës.
I pyetur rreth caktimit të datës së zgjedhjeve, Sejdiu ka thënë se nuk ka asnjë lëvizje rreth ndonjë iniciative për rrëzimin e Qeverisë.
“Ne jemi të interesuar qe edhe me anë të Kuvendit por edhe me iniciativa që të ecim tutje, nuk ka ndonjë iniciativë konkrete përveç situata hipotetike”, u shpreh Sejdiu.
Këto janë pikat e rendit e të ditës:
1. Miratimi i procesverbaleve nga mbledhjet e mëparshme,
2. Përgatitjet për seancë plenare:
1. Koha për deklarime jashtë rendit të ditës,
2. Koha për pyetje parlamentare,
3. Miratimi i procesverbaleve nga Seancat e mëparshme,
4. Interpelanca e Kryeministrit të Republikës së Kosovës, z. Ramush Haradinaj, sipas kërkesës së Grupit Parlamentar të Lëvizjes Vetëvendosje, në lidhje me reduktimet e ashpra të furnizimit me energji elektrike dhe situatën në sektorin e energjisë,
5. Interpelanca e Kryeministrit të Republikës së Kosovës, z. Ramush Haradinaj, sipas kërkesës së Grupit Parlamentar të Lidhjes Demokratike të Kosovës, në lidhje me vendimin e Qeverisë së Kosovës nr.02/34, të datës 05.03.2018, për ndarjen e mjeteve financiare në shumën prej një milion euro për KOSTT-in për mbulimin e shpenzimeve të furnizimit me energji elektrike të katër komunave në veri të Kosovës,
6. Interpelanca e Kryeministrit të Republikës së Kosovës, z. Ramush Haradinaj, sipas kërkesës së Grupi Parlamentar “Deputetët e Pavarur”, në lidhje me nënshkrimin e marrëveshjes komerciale ndërmjet kompanisë “Contour Global” dhe Qeverisë së Kosovës për projektin e Termocentralit “Kosova e Re” të nënshkruar me 20 dhjetor 2017,
7.Interpelanca e Kryeministrit të Republikës së Kosovës, z. Ramush Haradinaj, sipas kërkesës së Grupit Parlamentar të Lëvizjes Vetëvendosje, në lidhje me korrupsionin dhe krimin e organizuar në institucionet dhe zyrtarët e lartë të Republikës së Kosovës,
8. Interpelanca e ministrit të Shëndetësisë, z. Uran Ismajli, sipas kërkesës së Grupit Parlamentar të Lëvizjes Vetëvendosje, në lidhje me Sistemin informativ shëndetësor dhe sigurimet shëndetësore publike dhe private në Republikën e Kosovës,
9. Shqyrtimi i Projektligjit nr. 06/L-061 për Ratifikimin e Traktatit ndërmjet Republikës së Kosovës dhe Hungarisë mbi transferimin e personave të dënuar,
10.Shqyrtimi i parë i Projektligjit për gjykatat,
11.Shqyrtimi i parë i Projektligjit për Këshillin Prokurorial të Kosovës,
12.Shqyrtimi i parë i Projektligjit për Këshillin Gjyqësor të Kosovës,
13.Shqyrtimi i parë i Projektligjit për veprimtaritë hidrometeorologjike,
14.Shqyrtimi i parë i Projektligjit për ndryshimin dhe plotësimin e Ligjit nr. 04/L-036 për statistikat zyrtare të Republikës së Kosovës,
15.Shqyrtimi i parë i Projektligjit për këshillin e pavarur mbikëqyrës për shërbimin civil të Kosovës,
16.Shqyrtimi i Raportit të operatorit të sistemit, transmisionit dhe tregut-KOSTT sh. a,
17.Shqyrtimi i Propozim-vendimit të Qeverisë së Republikës së Kosovës për emërimin e gjashtë (6) anëtarëve të Bordit për Agjencinë Kosovare të Privatizimit,
18.Zgjedhja e drejtorit të Agjencisë për Menaxhimin e Komplekseve Memoriale të Kosovës,
19.Zgjedhja e tre (3) anëtarëve të Komisionit të Pavarur të Mediave,
20.Propozimi i Grupit Parlamentar të Lëvizjes Vetëvendosje dhe i Grupit të “Deputetëve të Pavarur” për kryesimin e komisioneve parlamentare, si dhe përfaqësimin e tyre në komisionet parlamentare,
21.Formimi i Komisionit ad-hoc për përzgjedhjen e dy (2) anëtarëve të Komisionit të Pavarur të Mediave.
3. Shqyrtimi i propozimeve dhe kërkesave /Telegrafi/
Promo
Reklamo këtuLufta Prigozhin - Putin
Më shumëNga Rubrika
Bastisje në Ohër, arrestohet një person për posedim të drogës
Projekt rezolutë për mbrojtjen e grave gazetare në Kuvendin e Shqipërisë, dorëzohet nga dy deputet e opozitës
Begaj pret në takim Presidenten sllovene: Sllovenia, mbështetëse e zgjerimit të BE dhe rrugëtimit të Shqipërisë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251