Të gjithë po flasin për ekipin shqiptar nga Kosova, Bad News Eagles, pas suksesit të tyre historik në lojën e CS:GO, pasi ata u kualifikuan në turneun më të madh të CS:GO, ku garojnë skuadrat më të mira të botës, por jo shumë e dinë historinë e këtyre djelmoshave, se si arritën deri tek ky sukses.
Shumica e lojtarëve të ekipit Bad News Eagles, lojën e CS:GO, e filluan duke luajtur në internet kafe, ku së pari e nisën si një lojë qejfi, për ta kthyer më vonë në hobi e pasion.
Gjatë kësaj kohe, ishin pjesë e garave të ndryshme të vendit, edhe pse nuk ishin pesëshja e njëjtë së bashku, sukseset e tyre nuk mungonin.
Po ia fillojmë me snajperistin e ekipit Bad News Eagles, Genc ‘gxx-‘ Kolgeci, 23 vjeçari nga Prishtina, i cili në fëmijërinë e tij ishte futbollist mjaft i zoti. Ai kishte qenë pjesëtar i klubit 2 Korriku, por për shkak të disa lëndimeve Genci u largua nga futbolli dhe këtu filloi entuziazmi i tij për CS:GO.
Genci filloi të luante që nga viti 2014-2015, ndërsa shumicën e kohës ai e kalonte në internet kafe duke u argëtuar me lojën e CS:GO. Në vitin 2018 arriti të kualifikohej në ligën e dytë më të mirë të CS:GO, ku bëjnë pjesë shumë lojtarë profesionist të CS:GO, Faceit Pro League – Challenger. Në këtë lig 23 vjeçari qëndroi për rreth tre vite, ku më pas në vitin 2020 arriti të kualifikohej në ligën më të madhe individuale të CS:GO, FACEIT PRO LEAGUE.
Prishtinasi është njëri ndër lojtarët e parë të ekipit, pasi ishin pjesë e ekipit BLINK, së bashku me Sener ‘SENER1’ Mahmuti.
Pas problemeve me organizatën, ekipi dhe lojtarët i ndanë rrugët e tyre, ku pastaj pesë lojtarët e njëjtë filluan të garojnë si lojtarë të pavarur me emrin e ekipit Bad News Eagles, ku edhe u kualifikuan në turneun më të madh të CS:GO.
Po vazhdojmë me kapiten e ekipit Bad News Eagles, Dionis ‘sinnopsy’’ Budeci. 26 vjeçari nga Fushë Kosova lojën e CS:GO e filloi nga viti 2014-2015, i cili njëjtë sikur se ‘gxx’, kaloi orë të shumta duke luajtur në internet kafe. Ai në vitin 2018, ‘sinnopsyy’ gjithashtu u kualifikua në ligën e Faceit Pro League – Challenger (FPL-C), ku pas dy muajsh siguroi vendin për në ligën më të madhe individuale të CS:GO, FACEIT PRO LEAGUE (FP0L).
Në vitin 2019 Dionisi u bë pjesë e organizatës shumë të famshme Team Secret, ku luajti për një vit, por pasi skuadra u shua ai mbeti si agjent i lirë.
Më vonë ai u bashku me ekipin BLINK, ku patën mjaft suksese të mëdha, por më vonë pas problemeve me organizatën, sinnopsyy dhe bashkëlojtarët e tij të tanishëm u larguan nga BLINK, për të vazhduar si lojtarë të pavarur me emrin e Bad News Eagles.
Lojtari i tretë i ekipit Bad News Eagles është Flatron ‘juanflatroo’ Halimi. 25 vjeçari nga Prishtina, CS:GO filloi të luaj që nga viti 2016, i cili njëjtë si shokët e tij të ekipit filloi të luante në internet kafet e Prishtinës. Ai në janar të vitit 2019 u kualifikua në ligën e FPL-C, ku menjëherë pas muajit të parë arriti që të siguroj biletën për në ligën kryesore Faceit Pro League.
Në vitin 2019 edhe juanflatroo së bashku me sinnopsyy-n u bë pjesë e ekipit Team Secret, por që Flatroni u largua më herët nga ekipi.
Ai qëndroi pa ekip një kohë, e së bashku me sinnopsyy-n më vonë u bënë pjesë e ekipit BLINK. Por pas disa problemeve me organizatën, u largua për të vazhduar me ekipin Bad News Eagles, ku edhe sot po vazhdojnë të korrin suksese në turneun më të madh të CS:GO.
Lojtari më i ri në ekip, Rigon ‘rigoN’ Gashi është 22 vjeçari nga Mitrovica i lindur në Zvicër. CS:GO filloi të luante në vitin 2014 dhe është lojtari i vetëm i cili rrugëtimin e tij e ka filluar duke luajtur në kompjuterin e tij personal nga shtëpia. Ai në vitin 2017 u kualifikua për në ligën FPL-C, ndërsa në vitin 2019, arriti që të kualifikohet në ligën kryesore Faceit Pro League (FPL).
Së bashku me Flatronin dhe Dionisin, Rigoni u bë pjesë e ekipit Team Secret, por që nuk qëndroi për kohë të gjatë dhe u largua. Më pas në vitin 2020 u bë pjesë e ekipit internacional C0ntact, i cili ishte ekip mjaftë i mirë, por për shkak të rezultateve të dobëta, organizata e shpërndau ekipin dhe i liroi nga kontratat e tyre.
Në gusht të vitit 2021, Rigoni erdhi në ekipin BLINK, duke iu bashkua bashkëlojtarëve të tij të tanishëm, gxx, sinnopsyy, juanflatroo dhe SENER1.
Pas disa problemeve me organizatën Rigoni ishte lojtari i parë i cili u largua nga ekipi. Ai vazhdoi me pjesën e tjetër të ekipit me emër të ri dhe pa organizatë, Bad News Eagles, ku edhe po garojnë për momentin në ligën më të madhe të CS:GO.
Lojtari i radhës është Sener ‘SENER1’ Mahmuti. 25 vjeçari nga Prizreni, edhe ky si një pjesë e bashkëlojtarëve të tij lojën e CS:GO filloj ta luaj qysh nga viti 2014/15, në internet kafe.
Seneri është lojtari i parë nga pesëshja që ishte pjesë e ekipit BLINK, ku pas sukseseve të ekipit, me bashkëlojtarët e tij, morri ftesën për FPL-C në vitin 2021, ndërsa menjëherë një muaj më vonë arriti të kualifikohej për në ligën e Faceit Pro League (FPL).
Pas largimit të ekipit nga skuadra e BLINK, ai u bashku përsëri me shokët e tij të skuadrës për të formuar ekipin Bad News Eagles, dhe për të arritur suksesin historik, kualifikimin në turneun më të madh të CS:GO.
Ndërsa trajneri i tyre, Klesti Kola, 23 vjeçari nga Tirana e Shqipërisë, ishte pjesë e ekipit qysh nga formimi i BLINK, ku pjesë e saj ishte vetëm SENER1 dhe gxx. Klesti në ekipin e BLINK e filloi si lojtar, por më pas doli në rolin e trajnerit, ku u tregua shumë i suksesshëm. Pas largimit të pjesëtarëve tjerë nga ekipi i BLINK, Klesti vendosi të largohej bashkë me ta, ku sot po korrin suksese së bashku në turneun më të madh të CS:GO.
/Telegrafi/
Lufta Prigozhin - Putin
Më shumëNga Rubrika
Fitore e thellë e Man Cityt në udhëtim te Brightoni – shton presionin mbi Arsenalin
Arsenali mendon ofertat për Guimaraes dhe Luiz – kjo pasi alternativa kryesore e tyre pëlqen Barcelonën dhe Bayern Munichun
“Juventusi duhet të nënshkruajë me Modricin, mund të luajë edhe dy vite” – ish lojtari i Zonjës së Vjetër vjen me propozim
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre
Driblim që ta kujton "Fenomenin" - Mbappe turpëroi lojtarin kundërshtar
"Ai tha se na gënjeu", Toni Kroos zbulon fjalët Carlo Ancelottit përpara El Clasicos
Prishtina lëshon në fund fitoren nga duart, Trepça tregon karakter
Ultimatumi i Chelseat për Pochettinon
Arne Slot zyrtarisht konfirmon se dëshiron t'i bashkohet Liverpoolit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën