Kush ishte kinematografja premtuese e Hollywoodit, që ngeli e vrarë aksidentalisht nga aktori Alec Baldwin gjatë xhirimeve

Dielli duke rrëzuar, teksa drejtoresha e fotografisë Halyna Hutchins i buzëqesh kamerës ndërsa xhiron veten duke hipur në shkretëtirën e New Mexico me kalë.

Ky ishte postimi i fundit në Instagram i shpërndarë nga nëna e martuar, që kishte një fëmijë përpara se ajo të qëllohej aksidentalisht me armë zjarri dhe të vritej nga aktori Alec Baldwin dje, kur ai qëlloi me një armë gjatë xhirimit të një skene për filmin e ardhshë, “Rust”.

E lindur në Ukrainë dhe e rritur në një bazë ushtarake sovjetike “e rrethuar nga nëndetëset”, Halyna, 42 vjeçe, kishte kaluar kohë në Evropë duke punuar në dokumentarë britanikë para se të transferohej në Los Angeles, ku kishte krijuar karrierën e saj – dhe krijoi një familje, shkruan DailyMail.

E kujtuar nga miqtë si një ‘shpirt i sjellshëm’ dhe ‘i dashur’, Halyna jetonte në Venice Beach, Kaliforni, me burrin e saj Matthew, një avokat dhe djalin e tyre Andros, të cilin ajo e quante me dashuri ‘burri i saj i vogël’.

“Ajo e donte atë shumë dhe i pëlqente ta shikonte atë duke u bërë djali i pashëm që është sot”, shkroi një mik. “Unë e di se ajo po kujdeset për të dhe Matt në këtë kohë tmerrësisht të frikshme”, shkroi tutje ajo.

Ajo ishte gjithashtu jashtëzakonisht e respektuar për punën e saj si drejtoreshë e fotografisë dhe ishte cilësuar si një ‘yll në rritje’ nga bashkëmoshatarët e saj. Pas qëndrimeve si gazetare investigative dhe fotografe e modës, karriera e Haylna-s po bëhej nga forca në fuqi kur jeta e saj u ndërpre në mënyrë kaq tragjike.

Dedikime për gjithashtu kanë ardhur nga kolegët, me aktorë, regjisorë dhe njerëz të brendshëm të Hollywoodit të cilët në rrjetet sociale e cilësuan atë si “talente e jashtëzakonshme” dhe “e përkushtuar ndaj artit të saj”.

Regjisori, shoku dhe ish-kolegu Adam Mortimer u shpreh sot në emisionin Good Morning Britain: “Ajo ishte dikush që ishte e përkushtuar absolutisht ndaj artit dhe integritetit. Ajo ishte ukrainase dhe kishte këtë ndjeshmëri të jashtëzakonshme të artit evropian, kështu që sa më shumë gjëra në grupin tonë që do të bëheshin sfiduese ose të vështira, aq më shumë do të donte të kuptonte se si t’i kapërcejë kufizimet dhe ta kthejë atë në art”.

“Kur e takova, e dija që pas rreth pesë minutash bisedë me të, ajo do të ishte një partnere e jashtëzakonshme për të punuar… Mund të them tashmë se ajo do të bëhej një gjeni dhe ishte kaq e përkushtuar për të bërë gjithçka për të bërë një film”, tha Adam.

E lindur në Ukrainë në vitin 1979, Halyna ishte vajzë e prindërve ushtarakë dhe u rrit në një bazë sovjetike ‘në rrethin Arktik’. Duke kujtuar se si ishte, ajo tha se ata ishin ‘të rrethuar nga forca ushtarake dhe nëndetëse bërthamore’.

Në shenjë të interesave të saj të gjera, Halyna ndoqi Universitetin Kombëtar të Kievit, institucioni më prestigjioz i arsimit të lartë në Ukrainë, dhe u diplomua në degën Gazetari Ndërkombëtare.

Ajo e përdori këtë si biletë për të punuar jashtë vendit dhe punoi si ‘gazetare investigative në Evropë’. Detajet e projekteve ende nuk janë shfaqur.

Hutchins u transferua në ShBA dhe u zhvendos në Los Angeles, ku filloi punën në fotografinë e modës së bashku me filmin në mënyrë që të mësonte rreth ‘krijimit të humorit dhe ndjenjës’ në një imazh.

Në vitin 2015 ajo u diplomua në Konservatorin e Institutit Amerikan të Filmit, i cili ofron kualifikime të specializuara në kinematografi dhe regji.

Ajo më vonë do të fliste për rolin e rëndësishëm që kjo përvojë luajti në zhvillimin e karrierës së saj, duke thënë se e bëri atë të “rimendojë” se kush ishte si artiste. Ajo shtoi: “Një gjë që mësova është se kinematografia nuk është diçka që e bëni vetë”.

“Është një grup [projekt]. Ju duhet të zhvilloni vizionin tuaj, por çelësi i një filmi të suksesshëm është komunikimi me regjisorin dhe ekipin tuaj”, thoshte Halyna.

Karriera e saj ishte forcuar në gjashtë vjet që nga ajo kohë, dhe Instagrami i saj është i mbushur me postime që lavdërojnë etikën dhe aftësinë e saj të punës.

Talenti i Hutchins u njoh në vitin 2018 kur ajo u emërua në klasën inauguruese të ‘Laboratorit 21st Century Fox DP’, një grup rrjeti i krijuar për të zgjeruar mundësitë për kineastet femra duke i lidhur ato me profesionistë që punojnë.

Një vit më pas, ajo u përshëndet si një nga ‘yjet në rritje të kinematografisë’ në revistën e respektuar të industrisë American Cinematographer.

“Tani për tani, jam shumë e interesuar të gjej bashkëpunime të frytshme”, tha ajo në një intervistë për revistën.

Puna e fundit e Hutchins përfshin “Blindfire”, një dramë policore me akuza racore e shkruar nga skenaristi dhe reigjisori Mike Nell me protagonist Brian Geraghty dhe Sharon Leal, që ishte fitues i çmimit ‘drama më e mirë kriminale’ në Houston International Film Festival, në vitin 2020. /Telegrafi/