LAJMI I FUNDIT:

Kush ishte Fadil Vokrri? Futbollisti më i madh nga Kosova që si kryetar i FFK-së anëtarësoi shtetin e tij në UEFA e FIFA

Kush ishte Fadil Vokrri? Futbollisti më i madh nga Kosova që si kryetar i FFK-së anëtarësoi shtetin e tij në UEFA e FIFA

Futbolli në Kosovë ka marrë lajmin më të hidhur që pas pavarësimit.

Legjenda e futbollit të Kosovës dhe njëherit kryetar i deritashëm i Federatës së Futbollit të Kosovës, Fadil Vokrri ka ndërruar jetë pas një komplikimi shëndetësor.

Por kush ishte Fadil Vokrri, njeriu që falë lojërave të tija fantastike bëri për vete miliona shqiptarë?

Vokrri është lindur në Podujevë, ndërsa falë lojërave të tij kishte marrë nofkën Maradona shqiptar.

Ndërron jetë kryetari i FFK-së, Fadil Vokrri
Lexo po ashtu Ndërron jetë kryetari i FFK-së, Fadil Vokrri

Karrierën e tij prej futbollisti e nisi tek skuadra e vendlindjes KF Llapi për t’iu bashkuar pastaj Prishtinës.

Nga viti 1980 deri më 1986, Vokrri shkëlqeu me klubin e kryeqytetit të Kosovës,
FC Prishtina që në atë kohë ishte thuajse si reprezentacion.

Falë paraqitjeve fantastike me Prishtinën ku në 172 ndeshje realizoi 55 gola, Vokrri u transferua tek Partizani i Beogradit.

Por pikën kulmore në fanellën kaltër e bardh Vokrri dhe yjet tjerë shqiptarë e arritën kur e mposhtën Yllin e Kuq të Beogradit në shtëpinë e vet, në Marakana.

Në atë kohë ylli nga Kosova ishte pjesë edhe e Përfaqësueses së Ish-Jugosllavisë.

Me Partizanin e Beogradit, Vokrri regjistroi 55 paraqitje duke shënuar edhe 15 gola.

Legjenda e futbollit kosovar vazhdoi karrierën në Francë te Nimes ndërsa në Turqi luajti për gjigantin Fenerbahce.

Edhe pse ishte idhull i tifozëve turq, Vokrri nuk arriti të tregojë shkëlqimin si te Prishtina e Partizani.

Gjithsesi dy skuadrat e fundit në karrierë për Vokrrin ishin, Bourges 18 dhe Montlucon.

Për ish-Jugosllavinë, Vokrri ka regjistruar 12 ndeshje ku ka arritur të shënojë gjashtë gola.

Vokrri vazhdoi të jetonte në shtetin e Francës para se të kthehej në vendlindje.

Fillimisht ai u angazhua nga ish-klubi i tij Prishtina si drejtor sportiv.

Ndërkohë në vitin 2008 Vokrri u zgjodh president i Federatës së Futbollit të Kosovës me një mandat katër vjeçar.

Ishte një futbollist legjendar dhe i njëjti vazhdoi punën edhe në krye të shtëpisë më të madhe të futbollit në Kosovë.

Vokrri ishte më meritori që fillimisht Kosovës iu lejuan ndeshjet miqësore nga UEFA dhe FIFA.

Ndërkohë pas kësaj leje, Vokrri përsëri bëri punën më të madhe që FFK të pranohet me të drejta të plota në UEFA dhe FIFA.

Kosova ka humbur një ish-futbollist të madh dhe një zot shtëpie të futbollit tonë.

Lamtumirë legjendë. /Telegrafi/

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Kalo në kategori