Kush është transferimi i ri i Romës dhe si mund ta përdorë atë Jose Mourinho

Ola Solbakken do t’i bashkohet Romës së Jose Mourinhos si lojtar i lirë, kështu që këtu është një profil i reprezentusit norvegjez dhe se si Giallorossët mund të rreshtohen me të.

Lojtari 24-vjeçar zbarkoi në Romë pasdite dhe do t’i nënshtrohet testeve mjekësore përpara se të nënshkruajë kontratë deri në vitin 2027. Ai do të jetë i disponueshëm nga 1 janari i vitit 2023.

Solbakken u përball me Romën në Ligën e Konferencës sezonin e kaluar, kur të dy skuadrat u takuan katër herë, fillimisht në fazën e grupeve dhe më pas në çerekfinale.

Ai shënoi një dygolësh në fitoren e famshme 6-1 kundër Giallorossëve në tetor 2021, një nga humbjet më poshtëruese në historinë e skuadrës italiane në Evropë.

Solbakken është një produkt i akademisë së Melhus dhe Rosenborg dhe iu bashkua Bodos në janar të vitit 2020. Ai bëri debutimin te Norvegjia vitin e kaluar dhe ka tre ndeshje në emër të tij me ekipin e tij kombëtar.

Një anësor me këmbë të majtë, norvegjezi luan kryesisht në të djathtë, por gjithashtu mund të vendoset në krahun e kundërt. Shpesh do ta shihnit atë të shkojë më larg nga krahu, duke u futur brenda për të krijuar mundësi për veten ose shokët e tij të skuadrës.

🛬 #Roma, ecco #Solbakken: il nuovo attaccante di #Mourinho atterra a Fiumicino
👉 @dariomarchetti7 pic.twitter.com/rKv6sdx7g2

— TUTTOmercatoWEB (@TuttoMercatoWeb) November 21, 2022

Ai është i talentuar teknikisht pavarësisht se është 1,86 metra i gjatë, kështu që ai mund të jetë gjithashtu një kërcënim për mbrojtjen kundërshtare falë aftësive të tij fizike.

Mourinho ka përdorur një formacion 3-4-2-1 për më shumë se një vit tani, kështu që Solbakken pritet të luajë si një nga dy mesfushorët sulmues pas një sulmuesi të vetëm, ndërsa ka më pak gjasa ta shohë atë të vendosur në krahë, ku ai do të kishte më shumë detyra mbrojtëse.

Kjo do të thotë që ose Paulo Dybala ose Nicolo Zaniolo mund të shohin kohën e tyre të lojës të reduktuar nëse Solbakken ka një ndikim të fortë në kryeqytet. Megjithatë, ai do të jetë i disponueshëm vetëm nga janari dhe nuk pritet të luajë në turneun e Romës në Japoni midis fundit të nëntorit dhe dhjetorit duke qenë nën kontratë me Bodo deri në fund të vitit. /Telegrafi/