I shoqëruar nga ministrja e Ekonomisë, Artane Rizvanolli dhe zëvendësministri i Ekonomisë, Mentor Arifaj, Kryeministri i Kosovës, Albin Kurti vizitoi Postën e Kosovës, ku u prit nga Kryesuesi i Bordit të kësaj ndërmarrje publike, Fadil Bejta, Ushtruesja e Detyrës së Kryeshefes ekzekutive, Fakete Kadiu dhe stafi menaxhues i ndërmarrjes.
Në komunikatë thuhet se, gjatë bisedës u diskutuan shumë çështje me interes për zhvillimin e Postës së Kosovës, por edhe për sfidat dhe vështirësitë me të cilat ballafaqohet. Me theks të veçantë u diskutua për nevojën dhe planet për digjitalizimin e shërbimeve, që posta ofron dhe mbështetjen e qeverisë.
Posta e Kosovës ka gjithsej 132 zyre postare dhe në muajin maj ka shënuar bilanc pozitiv financiar, me ç ‘rast ka shënuar të hyra më të larta se sa shpenzime.
Zyra Kombëtare e Auditimit së fundmi ka vlerësuar pozitivisht pasqyrat financiare të Postës së Kosovës, duke i dhënë opinion të kualifikuar pas vlerësimeve negative, që Posta ka marrë nga po kjo Zyre në pesë vitet e fundit rresht, thuhet në komunikatë, Telegrafi.
Kryeministri Kurti përgëzoi bordin dhe menaxhmentin për këto rezultate dhe falënderoi ata dhe të gjithë punëtorët e Postës së Kosovës për shërbimet e shpejta dhe cilësore, që u ofrojnë qytetarëve të Republikë së Kosovës.
Njëkohësisht, u zotua për bashkëpunim dhe mbështetje ndaj Postës, me qëllim përmirësimin e mëtutjeshëm të këtyre shërbimeve.
Në fund të takimit, znj. Kadiu, Ushtruese e Detyrës së Kryeshefes ekzekutive, i dhuroi kryeministrit si dhuratë dy pulla postare, që kanë fituar çmime të rëndësishme ndërkombëtare; njëra vendin e katërt për nga bukuria e dizajnit, ndërkaq tjetra, e cila paraqet shenjtërimin e Nënën Terezë, është përzgjedhur si pulla postare më përmbajtjësore në botë.
Në prononcimin për media pas takimit, Kurti tha se në takim me drejtuesit e Postës “i diskutuam shumë çështje të Postës së Kosovës, dhe gjithashtu sfidat e vështirësitë që i kanë. Por, lajmi i mirë është se në muajin maj, që e lamë pas, kemi pasur bilanc pozitiv në Postën e Kosovës. Pra të hyrat janë më të larta se sa shpenzimet dhe ky natyrisht është si rezultat i punës së përbashkët të këtij kolektivi i cili ofron shërbimin universal të shtetit të Kosovës, pra Postën e Kosovës”.
“I kanë 132 zyra postare anë e mbanë Kosovës dhe përveçse nga kredia që kanë marrë në të njëjtën kohë kanë përfituar edhe nga një marrëveshje që ka Qeveria e Republikës së Kosovës, përkatësisht Ministria e Punëve të Brendshme dhe e Administrimit të Pushteti Lokal, me Postën e Kosovës”.
“Unë e falënderoj znj. Kadiu dhe z. Bejtën dhe gjithë Bordin e menaxhmentin, po edhe gjithë punëtorët e Postës së Kosovës, për shërbimet e shpejta dhe cilësore që ua ofrojnë qytetarëve të Republikës, në këtë kohë të vështirë për postat anë e mbanë botës e në veçanti këtu te ne”, ka thënë ai.
“Ne zotohemi që do të bashkëpunojmë me Postën e Kosovës, dhe do t’i mbështesim në mënyrë që shërbimet e tyre të jenë edhe më të shpejta, të jenë edhe më cilësore, e me këtë rast natyrisht që do ta kisha theksuar faktin që Posta e Kosovës ndihmon në veçanti për asistencën sociale në kuadër të skemave sociale për qytetarët e Republikës së Kosovës, aq më shumë kur dihet se vitin 2022 e kemi shpallur si vit të personave me aftësi të kufizuara, ata pra të cilët më së shumti kanë nevojë për shërbimet e shtetit”, ka deklaruar kryeministri. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Karnavali Golden Eagle bashkon artistët më të mirë shqiptarë
Biznesi po merr teposhtën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë