Kritikohet paraqitja e dobët e Dembeles dhe Malcom: Dy fantazma në fushë

Barcelona ka fituar me rezultat të ngushtë ndaj Leonesas (1-0) të mërkurën në mbrëmje.

U desh që të në skenë të dal mbrojtësi Clement Lenglet që shënoi në minutën e 91-të, për t’i dhënë kualifikimin Barcelonës.

Por ajo që ra në sy në këtë ndeshje ishte paraqitja e dobët e Malcom dhe Ousmane Dembele.

Të dy Malcom dhe Dembele janë dy alternativat kryesore sulmuese në stol, që trajner Ernesto Valverde mund t’i thërras gjithmonë, por mendimi i trajnerit në lidhje me këta dy lojtarë po del të jetë i saktë, pasi ata nuk garantojnë pjekuri për ndeshjet e Barcelonës, shkruan Marca.

Sulmi i Barcelonës ishte shumë i dobët me Malcom, Dembele, Denis Suarez dhe Munir El-Haddadinuk, që nuk arritën të shënojnë të paktën një gol kundër skuadrës së kategorisë së tretë.

Sipas gazetës spanjolle, një nga pikat më të ndritshme ishte performanca e portierit Jasper Cillessen , i cili, pavarësisht se është rezervë e Marc-Andre ter Stegen, gjithmonë kryen punë kur thirret.

Edhe mbrojtësi i Barcelonës, Clement Lenglet është duke bërë paraqitje të mira dhe do t’i ndihmojë shumë dyshes Gerard Pique dhe Samuel Umtiti.

Një tjetër lojtar që bëri paraqitje të mirë ishte Carles Alena./ Telegrafi/