Kritikohet Orban, i vetmi lider evropian që nuk e duartrokiti Zelenskyn në samitin e BE-së

Kryeministri hungarez Viktor Orban është kritikuar ashpër, për faktin se ishte lideri i vetëm i një shteti evropian që nuk e duartrokiti presidentin ukrainas, derisa po bëheshin gati të pozojnë për një fotografi të përbashkët me liderët e tjerë të BE-së në Bruksel.

Derisa Zelensky realizoi vizitën në Bruksel ku mori pjesë në samitin e BE-së dhe mbajti fjalim në Parlamentin Evropian, të gjithë e duartrokitën përveç Orbanit, transmeton Telegrafi.

Kujtojmë që Hungaria ka kritikuar sanksionet e BE-së mbi Rusinë si kundërpërgjigje ndaj pushtimit rus në Ukrainë – me pretendimet se ato nuk kanë arritur ta dobësojnë Moskën dhe se rrezikohej me këtë veprim ekonomia evropiane.

Lexo po ashtu Po fshiheshin nëpër objektet gjysmë të rrënuar, artileria ukrainase godet direkt ushtarët rusë në Bakhmut

Gjithashtu ky vend që udhëhiqet nga Orban ka refuzuar dërgimin e armëve në Ukrainë. Sikur kjo të mos mjaftonte, Orban ishte kritikuar edhe për bartjen e një shalli gjatë ndeshjes së futbollit, ku një pjesë e territorit të Ukrainës figuronte si pjesë e Hungarisë.

Ky vend që nga fillimi i luftës në Ukrainë ka hezituar t’i bashkohet sanksioneve të BE-së ndaj Rusisë, në anën tjetër Orban ka refuzuar edhe të heq dorë nga varësia e gazit dhe naftës ruse. /Telegrafi/

As Ukrainian President Zelensky walks up for the family photo with EU leaders in Brussels, they all seem to clap, apart from one: Hungary’s Viktor Orban. #EUCO pic.twitter.com/H2W6yotNzd

— Jack Parrock (@jackeparrock) February 9, 2023