Pavarësisht se sa të rraskapitur mund të jemi pas një dite të gjatë, shumë prej nesh ende i kalojnë netët duke u rrotulluar.

Por me sa duket, thjesht mund të na duhet të provojmë të hamë ushqimin e duhur para gjumit. Rezulton se përkundër madhësisë së tyre të vogël, qiqrat janë plot me lëndë ushqyese që mund të na ndihmojnë të flemë më mirë!

Qiqrat, janë një karbohidrat kompleks – që do të thotë se ato shpërbëhen më ngadalë në sistemin tonë pa shkaktuar rritje të sheqerit në gjak – të cilat janë gjetur se rrisin nivelet e hormonit tonë të serotoninës.

Kjo do të thotë nëse i piqni qiqrat tuaja në një ëmbëlsirë krokante ose i përzieni në pak humus, ngrënia e tyre mund t’ju ndihmojë të bini në gjumë.

Ky është një lajm veçanërisht i mirë për ata që kanë probleme me ankthin, i cili sipas klinikës Mayo mund të qetësohet natyrshëm me më shumë nga ky “hormon i lumturisë”.

Qiqrat gjithashtu mund të rrisin nivelet tona të serotoninës falë sasisë së bollshme të triptofanit. Po, i njëjti aminoacid që na bën të ndjejmë dëshirën për të fjetur gjendet edhe në këto bishtajore. Një përfitim tjetër i triptofanit: Dihet se rrit prodhimin e melatoninës, për të cilën të gjithë e dimë se ndihmon në gjumë. /Telegrafi/