LAJMI I FUNDIT:

Konfirmohet lufta e radhës e Tyson Fury pas humbjes nga Oleksandr Usyk

Konfirmohet lufta e radhës e Tyson Fury pas humbjes nga Oleksandr Usyk

Lufta e radhës e Tyson Fury është konfirmuar pasi ai humbi kundër Oleksandr Usyk të dielën në meçin për unifikimin e titujve në peshën e rëndë.

‘The Gypsy King’ pësoi një humbje me vendim të ndarë ndaj ukrainasit në Riad të Arabisë – humbja e tij e parë në boksin profesionist.

Fury kontrolloi fazat e hershme të luftës, por Usyk arriti të shënonte një nokdaun në raundin e nëntë që ndryshoi plotësisht rrjedhën e meçit.


Megjithëse Fury arriti të kalonte në raundin e 10-të dhe të rikuperohej, gjyqtarët ia dhanë fitoren kundërshtarit të tij me rezultate 115-112 dhe 114-113 për Usyk dhe 114-113 për Fury.

Fjalët e para të Usyk pasi u shpall kampion i padiskutueshëm i peshave të rënda në boks
Lexo po ashtu Fjalët e para të Usyk pasi u shpall kampion i padiskutueshëm i peshave të rënda në boks

Boksieri me bazë në Morecambe njoftoi menjëherë pas meçit se donte të aktivizonte klauzolën e tij të revanshit për t’u përballur me Usyk në muajin tetor.

Nuk kishte asnjë konfirmim që një klauzolë e tillë të vihej në veprim deri të martën – por promovuesi i tij Frank Warren tani ka njoftuar se Fury me të vërtetë do të marrë një revansh kundër Usyk më vonë këtë vit.

Warren thotë se janë duke u zhvilluar planet për luftën e dytë që do të zhvillohet në tetor në Arabinë Saudite, megjithëse një datë specifike ende nuk është konfirmuar.

Duke folur pas humbjes së tij të dielën, Fury deklaroi besimin e tij se ai ‘fitoi  shumicën’ e raundeve.

“Besoj se e fitova atë luftë. Besoj se ai fitoi disa raunde, por unë fitova shumicën e tyre”, tha fillimisht Fury pas meçit.

“Ne të dy bëmë një luftë të mirë. Më e mira që mund të bënim. Dhe, e dini, vendi i tij është në luftë. Kështu që njerëzit janë në anën e një vendi në luftë”.

"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Lexo po ashtu "Unë nuk do të ulem këtu të qaj dhe të kërkoj justifikime" - Tyson Fury flet pas humbjes

“Por, mos bëni gabim, unë e kam fituar atë luftë sipas mendimit tim dhe do të kthehem. Ne kemi një klauzolë të revanshit”, përfundoi britaniku.

Ndeshja e kthimit do të jetë për titujt WBC, WBA, IBF dhe WBO, me Usyk duke u bërë kampion i padiskutueshëm si rezultat i fitores së tij të dielën. /Telegrafi/

Në trend Sport

Më shumë
Laporta e do Nico Williamsin, Flick preferon yllin tjetër të Spanjës

Laporta e do Nico Williamsin, Flick preferon yllin tjetër të Spanjës

La Liga
Rodri zemëroi anglezët me provokimet në festë e organizuar në Madrid, bashkëlojtari i tij i kujtoi se ku luan

Rodri zemëroi anglezët me provokimet në festë e organizuar në Madrid, bashkëlojtari i tij i kujtoi se ku luan

Ndërkombëtare

"Yamal duhet të ndalohet të luajë" - ylli i Spanjës zë në befasi të gjithë me deklaratën për Laminen

Përfaqësueset
Al-Nassr i Ronaldos ofron mega kontratë për ta bërë yllin e Real Madridit futbollistin më të paguar në botë në pozicionin e tij

Al-Nassr i Ronaldos ofron mega kontratë për ta bërë yllin e Real Madridit futbollistin më të paguar në botë në pozicionin e tij

La Liga
Ronaldo, Messi, Pele apo Maradona? - ChatGPT tregon se kush është lojtari më i mirë i të gjitha kohërave

Ronaldo, Messi, Pele apo Maradona? - ChatGPT tregon se kush është lojtari më i mirë i të gjitha kohërave

Ndërkombëtare
Tifozët e Anglisë shpallin fajtor një lojtar për humbjen e finales nga Spanja

Tifozët e Anglisë shpallin fajtor një lojtar për humbjen e finales nga Spanja

Përfaqësueset
Kalo në kategori