Komiku amerikan, Katt Williams, është arrestuar në Portland të Oregonit për shkak të sulmit ndaj një vozitësi publik – bën të ditur AP.
Sipas agjencisë së lajmeve, aktori ndodhet në burg, për shkak se e ka sulmuar fizikisht një vozitës, i cili duhej ta transportonte atë dhe qenin e tij në qytet, ku komiku duhej të performonte.
Ice Cube dhe Katt Williams (Photo by Kevin C. Cox/Getty Images)
47-vjeçari ndodhet në Portland në kuadër të shout komik, “Wild 'N Out”, të Nick Cannon.
Policia ka njoftuar se vozitësi i automjetit që është në pronësi të qytetit, ka pësuar lëndime në fytyrë.
Pas incidentit, Williams ishte larguar me një veturë tjetër, mirëpo është arrestuar gjatë fundjavës.
Katt Williams (Photo by Alison Buck/Getty Images for Backstage Creations)
Kundër tij është ngritur padia për sulm të shkallës së katërt, ndërsa seanca dëgjimore do të mbahet sot (e hënë).
Zëdhënësi i Williams nuk e ka komentuar këtë ngjarje, ndërsa autoritetet e burgut nuk kanë pasur informacion nëse ai ka angazhuar një avokat. /Telegrafi/
