Trajneri Ronald Koeman mbeti i zhgënjyer nga mënyra në të cilën ekipi i tij i Barcelonës humbi në Cadiz të shtunën me rezultat 3-1.

Katalanasit nuk arritën të vazhdojnë serinë pozitive të rezultateve dhe u befasuan nga Cadiz, në një ndeshje që e la të zhgënjyer trajnerin Koeman.

“Humbja është e vështirë të shpjegohet. Ne kemi ardhur këtu pas disa ndeshjeve të mira, por pjesa e parë nuk ishte e mirë”, ka thënë fillimisht Koeman pas ndeshjes.

“Ne ishim më mirë në pjesën e dytë, por mënyra në të cilën humbëm ishte e pabesueshme. Ne humbëm për shkak të një gabimi të papritur që nuk mund ta bësh. Ajo erdhi nga mos-përqendrimi. Qëndrimi nuk ishte i mirë sonte, dhe jo vetëm nga mbrojtësit”.

Turpërohet Barcelona, humbet nga Cadizi Turpërohet Barcelona, humbet nga Cadizi

“Është shumë e vështirë të shpjegosh disa nga golat që kemi pësuar. Unë mendoj se mund të jetë për shkak të mungesës së përqendrimit. Na mungon agresioni pa top”.

“Kjo mund të jetë arsyeja pse ne pranojmë gola. Nuk është e lehtë të shpjegosh atë gol të dytë”.

Barcelona dukej se i kishte kthyer gjërat në favor kohëve të fundit, dhe madje shumë kishin sugjeruar se ata mund të ishin në gjendje të riktheheshin në garën e titullit në La Liga, por kjo humbje e fundit mund të ndryshojë rrëfimin rreth klubit.

“Është një hap gjigant mbrapa në shanset tona për të luftuar për titullin e La Liga. Është zhgënjyese, por ne duhet ta pranojmë atë”, shtoi holandezi.

Cadiz 2-1 Barcelona, notat e lojtarëve - Messi befasisht më i vlerësuari Cadiz 2-1 Barcelona, notat e lojtarëve - Messi befasisht më i vlerësuari

“Një hendek prej 12 pikësh për një ekip aq të fortë sa Atletico Madrid është shumë. Ka ende shumë ndeshje për të luajtur, por nëse nuk përmirësojmë qëndrimin tonë dhe ulje-ngritjet në udhëtim, nuk mund të themi më shumë”.

Koeman u pyet se si do të vepronte për të ndryshuar qëndrimin e lojtarëve të tij, por ai në vend të kësaj u përgjigj duke u përqendruar në Cadiz.

“Ju gjithmonë duhet të analizoni ndeshjet. Unë mendoj se kemi krijuar mjaft shanse; portieri i tyre [Jeremias Ledesma] ishte fenomenal. Por, ne kemi pranuar gola që nuk mund t’i imagjinoja”, përfundoi trajneri i Barcelonës. /Telegrafi/