Trajneri i Liverpoolit, Jurgen Klopp, konsideron se goli i Son Heung-min ishte pozitë jashtë lojë, përkundër se VAR e pranoi si të rregullt.

Redsat fituan me rezultat 2-1 ndaj Tottenham Hotspur për të marrë primatin në Ligën Premier, ndërsa në një derbi të tillë nuk mund të mungonin kundërthëniet.

Mohamed Salah shënoi me devijim, ndërsa Son e barazoi rezultatin me një gol të bukur. Një realizim i vonshëm i Roberto Firminos me kokë, ia siguroi fitoren kampionit.

“Për mua, ishte pozitë jashtë loje. Ata e shikojnë 20 herë, por kur e shikova unë, ishte pozitë jashtë loje”, ka deklaruar Klopp pas ndeshjes.

Mourinho tregon fjalët që ia tha Kloppit në fund të ndeshjes Mourinho tregon fjalët që ia tha Kloppit në fund të ndeshjes

Liverpooli e dominoi sfidën gjatë 90 minutave duke pasur 76 për qind të posedimit të topit dhe goditi 17 herë drejt portës. /Telegrafi/