Kim dhe Kanye po hyjnë në shtëpinë 20 milionëshe, ja detajet (Foto)

Kim Kardashian dhe Kanye West investuan plot 20 milionë dollarë për villën e tyre super luksoze në Hidden Hills gjatë gushtit të vitit 2014.

Por, më pas reperi i pakënaqur me dukjen e shtëpisë së tij, urdhëroi disa renovime. I pakënaqur me punën, ai kërkoi edhe një renovim tjetër, duke shpenzuar hiç më pak se 10 milionë dollarë.

Tani, revista People raporton se çifti brend dy muajsh do të hyjë në shtëpinë e re e cila më parë ishte pronë e Lisa Marie Presley.

Kjo revistë po ashtu shkruan se dyshja po bën shumë më mirë dhe po kalojnë tepër më mirë tash, pasi u goditën nga plaçkitja e bukuroshes dhe problemet mendore të reperit në fund të vitit të kaluar.

“Ai po kalon shumë mirë me Kim”, ka thënë një burim për revistën People.

Problemi sipas këtij burimi, ishte agjenda e ngjeshur që Kanye pati.

“Ajo që e shtyu atë përtej kufinjve ishin projektet e shumta. Tani ai ka lënë të gjitha anash dhe po fokusohet vetëm në linjën e tij të veshjeve”.

“Ai është liruar aq shumë nga stresi”, thotë burimi.

Dhe, sipas People edhe Kim ka ndryshuar shumë. Edhe pse ajo ende e do famën, tash ajo është duke u sillur si një nënë tipike.

“Ajo është shumë e përfshirë në atë që bëjnë fëmijët e saj”, shton ky burim për People, duke thënë se bukuroshja e ka kuptuar se jeta është për familjen.

Villa në Hidden Hills është sinonim i luksit. Ajo ka tetë dhoma fjetje dhe 10 banjo.

Renovimi ka përfshirë një ndërrim të ngjyrës së shtëpisë dhe ndërrim të dritareve po ashtu, të cilat tash janë më të mëdha, shkruan Telegrafi.

Kanye ka kërkuar personailsht disa thyerje të mureve në shtëpi dhe zgjerimin e dhomave të fjetjes së tij, sidomos asaj kryesore, teksa po ashtu kërkoi rikonstruktimin e pishinës në oborrin e tij pasi konsideroi se hapësira mund të shfrytëzohej dukshëm më mirë. /Telegrafi/