Khloe Kardashian ndez thashethemet për operacione të tjera plastike në fotografitë e fundit në Instagram

Khloe Kardashian ka shkaktuar sërish spekulime për ndërhyrje estetike pas publikimit të disa fotografive të reja në Instagram, ku shfaqet me një pamje të ndryshuar dhe flokë të errët.

Fansat dhe ndjekësit kanë komentuar në masë për ndryshimet e saj, me disa që aludojnë për ndërhyrje të tjera plastike.

Në Reddit, një përdorues shkroi: “Në këtë pikë, ajo nuk po ndjek më “Kardashians”, por kirurgun e saj plastik”, shkruan DailyMail.

Një tjetër shtoi: “Ajo duket ndryshe në çdo fotografi, nuk mund ta ndjek më transformimin e saj”.

Megjithatë, disa nga ndjekësit e mbrojtën Khloe-n, duke lavdëruar pamjen e saj të re.

Një fanse shkroi: “Kjo ngjyrë flokësh të shkon shumë, Khloe!” ndërsa një tjetër e inkurajoi ta mbajë ngjyrën e re.

Ndër vite, Khloe është kritikuar për përdorimin e filtrave dhe ndërhyrjeve estetike.

Në 2021, ajo pranoi publikisht se kishte kryer një ndërhyrje në hundë, duke falënderuar kirurgun e saj, Dr. Kanodia, për rezultatin.

Ajo e përshkroi këtë vendim si një dëshirë të hershme që më në fund kishte guximin ta realizonte.

Përfaqësuesit e Khloe Kardashian ende nuk kanë komentuar mbi spekulimet e fundit. /Telegrafi/