“Keni fytyrë jashtëzakonisht simetrike” – komediani i zë në befasi lojtarët e Cityt, derisa hynin në qendrën stërvitore

Lojtarët e Manchester City mbetën të argëtuar dhe të hutuar pasi u përshëndetën nga personazhi i humorit, Troy Hawke përpara turneut të tyre parasezonal në SHBA.

Personazhi i Milo McCabe është bërë i famshëm për sjelljen e tij në dyqanet anembanë vendit, duke mirëpritur dhe përshëndetur me dorë klientët.

Megjithatë, këtë herë ai ishte ftuar nga kampionët e Ligës Premier për të përshëndetur lojtarët përpara udhëtimit të tyre në Amerikë, duke lënë një numër prej tyre të hutuar, përfshirë Jack Grealish.

“Mirë se erdhe në kampin stërvitor, ju keni një fytyrë përrallore simetrike”, i tha Hawke mesfushorit anglez pas mbërritjes së tij.

“Unë kam çfarë?”, u përgjigj Grealish, përpara se të pyeste kolegët e tij brenda ‘a ju tha gjë ai djalë?’.

Hawke pati më shumë fat me nënshkrimin e ri Kalvin Phillips, duke thënë ‘mirë se erdhe në stërvitje zotëri, ju keni sy të pastër dhe lëkurë të mrekullueshme, ju jeni qartë një mjeshtër i hidratimit’.

“Përpiqem të jem po!” – iu kthye Phillips, përpara se të hynte me një buzëqeshje në fytyrë.

Komediani më pas përshëndeti shumë lojtarë të Cityt me komplimente ose komente të ndryshme, duke përfshirë nënshkrimin e ri Erling Haaland.

“Mirë se erdhe në kampin stërvitor, ju jeni një mburojë e jashtëzakonshme e mishit nordik”.

Mbrojtësi Nathan Ake, i cili kohët e fundit ka zbuluar dëshirën e tij për të qëndruar në Etihad Stadium, pavarësisht se ishte i lidhur me një rikthim në Chelsea, ishte një nga të ardhshmit.

“Nëse mund të jem kaq i guximshëm, ju keni zotësinë e një grabitqari kulmor, por sytë e një krijese të sjellshme pyjore, është një kombinim shkatërrues”, i thotë Hawke.

“Faleminderit”, u përgjigj Ake. Hawke gjithashtu shtoi: “Kurrë mos ndalo, kurrë mos ndrysho”.

I fundit që arriti ishte trajneri Pep Guardiola, i cili ishte në fund të një gjëegjëzë nga komediani.

“Kush është më tepër ai që flet me zemër: ai që flet me zemër, apo ai që i jep Pep një bisedë të fortë?”, pyeti Hawke.

‘Pep biseduesi’, u përgjigj Guardiola, përpara se të futej me shpejtësi brenda. /Telegrafi/

👋GREETERS GUILD👋 ‘Welcome to Training Camp!’ @ManCity #troyhawke #greetersguild #justiceforjan pic.twitter.com/3hetCiOpCS

— Troy Hawke (@milocomedy) July 17, 2022