Sukseset e kreatores shqiptare, Fjolla Nila, po shtohen çdo ditë më shumë.

Dhe, listës së emrave me famë botërore që kanë veshur kreacionet e saj tani i është shtuar edhe këngëtarja e njohur amerikane, Kelly Rowland.

Ish-anëtarja e grupit të famshëm të vajzave “Destiny’s Child” ka sjell portretin familjar me anë të një kartoline për festat e fundvitit, teksa shihet bashkë me bashkëshortin dhe dy fëmijët e tyre.

Foto: Kelly Rowland/Instagram

40-vjeçarja shihet në një fustan të gjatë elegant me ngjyrë vjollcë, i cili është dizajn i stilistes nga Peja.

Këngëtarja amerikane postoi imazhin në llogarinë e saj të Instagramit, ku numëron mbi 12 milionë ndjekës.

Reklama

“Urime Krishtlindjet. Ju uroi gëzim, dashuri dhe prosperitet. Për ju dhe të gjithë të dashurit tuaj!”, ka shkruar Rowland në mbishkrimin e fotografisë.

Reklama

E njëjta foto është postuar edhe në Instagramin zyrtar të dizajneres së famshme nga Kosova. /Telegrafi/