LAJMI I FUNDIT:

Katër sulmuesit që mund ta çojnë Real Madridin në finalen e Ligës së Kampionëve

Katër sulmuesit që mund ta çojnë Real Madridin në finalen e Ligës së Kampionëve

Real Madridi duhet të shënojë për të mposhtur dhe eliminuar Manchester Cityn në gjysmëfinale të Ligës së Kampionëve dhe skuadra aktuale ka lojtarë që mund të shënojnë gola.

Jo më pak se 78 gola janë shënuar nga katër sulmuesit kryesorë të Carlo Ancelottit: Karim Benzema (42), Vinicius (18), Marco Asensio (12) dhe Rodrygo (6).

Los Blancos shpresojnë se këta sulmues mund të krijojnë një natë tjetër magjike në Santiago Bernabeu dhe ta ndihmojnë skuadrën të arrijë një tjetër finale të Ligës së Kampionëve, e cila do të ishte e pesta e tyre në nëntë vitet e fundit pas atyre në vitet 2014, 2016, 2017 dhe 2018.

Manchester City tashmë e di se si skuadra spanjolle ka arritur të shënojë gola këtë sezon, pasi skuadra e Pep Guardiolës pësoi tre gola në Etihad Stadium pavarësisht se dominoi lojën pothuajse nga fillimi në fund.

Shënimi i golave ​​të Los Blancos ka qenë çelësi për pothuajse arritjen në finale në Paris: pasi ata shënuan tre gola kundër PSG -së , pesë kundër Chelseat dhe tre kundër Cityt deri më tani.

Janë 11 gola në pesë ndeshjet me eliminim direkt të luajtura deri më tani, duke kompensuar 10 golat e pësuar.

Benzema dhe Vinicius

Ndaj Man Cityt fokusi do të jetë te Benzema dhe Vinicius. Të dy kanë 60 gola të shënuar së bashku.

Ata janë dy lojtarët kryesorë sulmues të Real Madridit dhe dy golashënuesit më të mirë. Benzema ka shënuar tashmë 42, 14 prej tyre në ligën e Kampionëve.

Sezoni i tij ka qenë i mrekullueshëm dhe gjysma e shanseve të Los Blancos për të kaluar në finale do të varen nga aftësia e tij për të shënuar.

Benzema është vetëm dy gola larg barazimit të 323 golave ​​të Raulit dhe për t’u bërë golashënuesi i dytë më i mirë në historinë e klubit.

Vinicius ka qenë partneri më i mirë i francezit. Ai ka shënuar 18, por ka 12 asistime dhe ka fituar pesë penallti.

Së bashku me Benzeman, ata formojnë çiftin më në modë në Evropë dhe, pasi fituan La Ligan, ata po kërkojnë të kurorëzojnë sezonin me një finale të Ligës së Kampionëve.

Rodrygo dhe Asensio

Dy sulmuesit e tjerë të Ancelottit janë Rodrygo dhe Asensio. 12 golat e këtij të fundit dhe gjashtë të Rodrygos i afrojnë ata në shifrën e 20 golave bë bashku.

Arsenali sulmues i Real Madridit kishte më shumë fuqi në fillim të sezonit, me emra si: Gareth Bale, Eden Hazard, Luka Jovic dhe Mariano.

Megjithatë, gjithçka është fokusuar te katër sulmuesit më të besuar të Ancelottit . Katërshja tjetër kanë luajtur pak dhe kanë shënuar vetëm tre gola së bashku. /Telegrafi/

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Agjenti i Alphonso Davies godet Bayernin, shpjegon situatën e kanadezit

Agjenti i Alphonso Davies godet Bayernin, shpjegon situatën e kanadezit

Bundesliga
Kalo në kategori