Futbollistët kanë një jetë përrallore dhe kjo ka bërë që kohët e fundit të jenë cak i hajnave.

Një prej rasteve të tilla është edhe francezi i skuadrës së Real Madridit, Karim Benzema.

Ky i fundit ishte mbrëmë në ndeshjen kundër Barcelonës në kuadër të gjysmëfinales së Copa del Rey.

Karim Benzema dhe Ivan Rakitic (Photo by David Ramos/Getty Images)

Hajdutët kishin shfrytëzuar rastin që të hynin e të vjedhin në shtëpinë e lojtarit që gjendet në periferi të kryeqytetit spanjoll të Madridit.

Policia ka nisur hetimet dhe dyshohet se janë vjedhur gjësende në vlerë të 50 mijë eurove, por duke mos e specifikuar se për çfarë bëhet fjalë më konkretisht.

Të gjitha lajmet rreth Karim Benzemas Të gjitha lajmet rreth Karim Benzemas

Po të njëjtin fat e kishte përjetuar edhe Kevin-Prince Boateng para disa javëve kur Barcelona luante kundër Valladolidit.

Ndryshe, Benzema ka pësuar humbje me rezultat 3:0 kundër katalunasve duke u eliminuar në Kupën e Spanjës. /Telegrafi/