Milwaukee Bucks nuk janë duke kaluar momente të mira në NBA.

Kampioni në fuqi ka pësuar një tjetër humbje, e gjashta këtë fillim edicion.

Në sfidën e zhvilluar në Capital One Arena, Bucks janë mposhtur me shtatë pikë diferencë nga Washington Wizards 101:94.

Breadley Beal ishte më meritori për fitoren e Wizards me 30 pikë, pesë kërcime e tetë asistime.

Me lojë të mirë te vendasit u dalluan edhe dyshja e ardhur këtë verë nga Lakera, Montrezall Harell e Kyle Kuzma që shtuan nga 15 pikë.

Giannis Antetokounmpo ishte më i miri nga radhët e kampionit në fuqi me 29 pikë, 18 kërcime e pesë asistime, por që nuk ishin të mjaftueshme për fitore.

Për vendasit e Wizards kjo ishte fitorja e shtatë këtë edicion kundrejt tri disfatave dhe mbajnë vendin e tretë në Konferencën e Lindjes.

Në anën tjetër pas 10 ndeshjeve të zhvilluara, Bucks kanë marrë katër fitore e gjashtë humbje. /Telegrafi/

Rezultatet:

New York Knicks – Cleveland Cavaliers 109:126

Orlando Magic – Utah Jazz 107:100

Sacramento Kings – Indiana Pacers 91:94

Washington Wizarda – Milwaukee Bucks 101:94

Oklahoma City Thunder – San Antonio Spurs 99:94

Golden State Warriors – Houston Rockets 120:107

LA Clippers – Charlotte Hornets 120:106