“Si do që të jetë dalja në referendumin e 30 shtatorit, fjalën e fundit për marrëveshjen e Prespës do ta ketë populli grek, ose në referendum ose në zgjedhje”, thotë partneri i koalicionit në Qeverinë e Greqisë, Panos Kammenos.

Ai edhe një herë ka përsëritur qëndrimin e tij për marrëveshjen me Maqedoninë, por ka zbuluar edhe hapat e mëtejshëm pasi që Shkupi të përmbush detyrimet e marrëveshjes, përcjell Telegrafi Maqedoni.

“Propozimi im i parë për kryeministrin do të jetë të drejtohemi tek populli grek, pre të ketë referendum. Mundësia e dytë që do ta kemi është çdo diskutim dhe vendim në Parlament të hidhet pas përfundimit të mandatit katërvjeçar. Dhe mundësia e fundit do të jetë të kemi zgjedhje të reja parlamentare”, tha Kammenos.

Lideri i “Grekëve të Pavarur” shtoi se Greqia dëshiron ta ndihmon fqiun e tyre verior, por nuk mund të pranojnë falsifikim të historisë.

“Nuk ekziston as nacionalitet maqedonas, as gjuhë maqedonase, ju flisni gjuhën sllave”, tha Kammenos./Telegrafi/