Jurgen Klopp u dërgon mesazh tifozëve të Liverpoolit “në kohë të errëta” pas triumfit në Carabao Cup

Jurgen Klopp shpreson se fitorja e Liverpoolit ndaj Chelseat në finalen e Carabao Cup do të sjellë buzëqeshje në fytyrat e të gjithë tifozëve që po kalojnë “kohë të errëta”.

Reds dolën fitues nga gjuajtja e penalltive në Wembley të dielën në mbrëmje, pasi asnjëra skuadër nuk mundi të gjente rrjetën në kohën e rregullt ose në vazhdime.

Ata fituan trofeun e që kur triumfuan në Ligën Premier dy sezone më parë, dhe ata kanë duruar shumë sfida që atëherë.

Lexo po ashtu Përse u anulua goli i Joel Matip?

Mbrojtja e tyre e titullit ishte një zhgënjim i madh sezonin e kaluar, pasi ata u shkatërruan nga lëndimet afatgjata, duke humbur gjashtë ndeshje radhazi në shtëpi.

Përtej futbollit, shoqërisë i është dashur të përballet me pandeminë e coronavirusit gjatë dy viteve të fundit, ndërsa Evropa u trondit në fillim të kësaj jave nga pushtimi rus i Ukrainës.

Klopp shpreson se ndeshja emocionuese në Wembley, e cila ishte shumë më argëtuese se sa jep rezultati, do t’u ketë lehtësuar ditët të gjithë atyre që po luftojnë.

Lexo po ashtu Thiago shpërtheu në lot pasi u largua nga finalja e Carabao Cup i lënduar

“Unë jam mirë tani, por do të isha mirë me 90 minuta dhe 1-0 për Liverpoolin dhe ne shkojmë në shtëpi”, deklaroi ai për Sky Sports. “Jam i lumtur që njerëzit në kohë të errëta festojnë diçka të tillë”.

Duke riafirmuar mesazhin e tij, gjermani shtoi: “Jam i lumtur që njerëzit të festojnë diçka të tillë. Chelsea është tepër e fortë, ne u përballëm me njëri-tjetrin”.

“Ky është fillimi, ne nuk jemi budallenj. Duhet të kemi fat – patëm fat, mund të ishte 5-5”.

Lexo po ashtu Vështirë kuptohet se përse goli i Liverpoolit në finalen e Carabao Cup ndaj Chelseat u anulua prej VAR-it

Klopp rezervoi gjithashtu lëvdata të veçanta për Caoimhin Kelleher, portierin 23-vjeçar të Liverpoolit, i cili mbajti portën e pastër dhe shënoi penalltinë e fitores, pasi u zgjodh për të nisur finalen përpara Alisson Becker.

“Edhe në futbollin profesionist duhet të ketë hapësirë ​​për disa ndjenja”, shtoi Klopp. “Caoimhin Kelleher është një djalë i ri, luan në të gjitha garat, çfarë të bëj?”.

“Unë jam dy gjëra, një trajner profesionist dhe një qenie njerëzore dhe njeriu fitoi, ai e meriton”.

Lexo po ashtu Nuk qenka nata e VAR-it, video asistenti i gjyqtarit e penalizon edhe Chelsean në finalen ndaj Liverpoolit

“Në qendrën stërvitore ne kemi një mur në të cilin janë të gjithë portierët që kanë fituar diçka dhe Caoimhin mund ta vazhdojë atë – kështu duhet të jetë – absolutisht i shkëlqyeshëm”, ka shtuar më tej Klopp.

Liverpool ka vetëm dy ditë të plota pushim para se të kthehet në aksion për të pritur Norwich City në raundin e pestë të FA Cup të mërkurën. /Telegrafi/