Drejtori sportiv i Lyonit, Juninho Pernambucano ka zbuluar se ai synon të bindë Karim Benzeman për të përfunduar karrierën e tij te skuadra franceze.

Sulmuesi i Real Madridit mori hapat e tij të parë futbollistik te Lyon para se të transferohej te Los Blancos në vitin 2009 në moshën 22-vjeçare.

“Dëshira ime është t’i propozoj Karimit që ai të përfundojë karrierën e tij në Lyon”, ka thënë fillimisht Juninho.

Goal.com zgjedh formacionin e dekadës te Real Madridi, nuk mungojnë befasitë Goal.com zgjedh formacionin e dekadës te Real Madridi, nuk mungojnë befasitë

“Ai është nga këtu; ai ndjehet këtu. Pse të mos bëjmë një përpjekje ekonomike midis të dy skuadrave për ta bërë atë të ndodhë?”.

Juninho dhe Benzema gjatë kohës sa ishin bashkëlojtarë

“Ne nuk mund të ofrojmë të njëjtën pagë si Real Madridi, por do të presim në momentin e duhur”.

“Ne shkëmbyem mesazhe kur isha në Brazil. Ndjeva sikur do të donte të vinte. Ai ka shumë respekt për klubin”.

Zidane: Benzema është njësoj si Ronaldo në historinë e Real Madridit Zidane: Benzema është njësoj si Ronaldo në historinë e Real Madridit

“Unë dua që ai të vijë dhe të luajë me ne për dy vjet, dhe pastaj të trajnojë disa nga lojtarët më të rinj”.

“Benzema mund të jetë lideri për të cilin ne kemi nevojë. Unë ëndërroj që ai të përfundojë karrierën e tij këtu në Lyon, shtëpinë e tij”, përfundoi Juninho. /Telegrafi/