Julia Fox pas ndarjes nga Kanye West: Nuk isha e dashuruar në të

Julia Fox dhe Kanye West i kanë ndarë rrugët vetëm pak javë pasi dolën publikisht dhe konfirmuan romancën.

Pas ndarjes së saj nga reperi, ylli i “Uncut Gems” e bëri të qartë se nuk po e vuante këtë.

“Pse të mos më shihni për atë që jam”, shkroi ajo në një postim tashmë të fshirë në Instagram të hënën (14 shkurt).

“Unë dola mirë dhe jo vetëm kaq, por Kanye dhe unë jemi në marrëdhënie të mira! Unë kam dashuri për të, por nuk isha e dashuruar me atë burrë, çfarë mendoni ju se jam 12 vjeç?!”, vazhdoi të thoshte aktorja.

32-vjeçarja gjithashtu reagoi ndaj raporteve se ajo po qante në fotot e paparacëve të shkrepura së fundmi në Los Angeles, shkruan PageSix.

“Dhe sa për dijeni, e vetmja herë që qava në 2022 ishte më 6 shkurt në ditëlindjen e mikut tim të ndjerë”, vazhdoi ajo, duke iu referuar vetëvrasjes së menaxherit, Chris Huvane.

Prezantuesja e “Frobidden Fruit” më pas nxiti fansat me idenë e shkrimit të një libri në të cilin ata do të mund të informoheshin edhe më shumë rreth jetës së saj.

Page Six konfirmoi të hënën (14 shkurt) se Fox dhe Yeezy, 44 vjeç, ishin ndarë pas gjashtë javësh lidhje, për shkak të reagimeve të tij në mediat sociale për gjithçka, nga marrëdhënia me ish-gruan Kim Kardashian me Pete Davidson deri tek largimi i Kid Cudi nga albumi i tij. “Donda 2”.

“Julia dhe Kanye mbeten miq dhe bashkëpunëtorë të mirë, ata nuk janë më bashkë”, tha përfaqësuesi i saj në një deklaratë.

West gjithashtu dukej se nuk ishte i shqetësuar nga ndarja, duke e kthyer vëmendjen e tij te Kardashian, e cila jo vetëm që nuk dëshiron të ketë të bëjë me dramën e tij, por gjithashtu duket se është vërtet e shqetësuar për sigurinë e Davidson.

“Ju po krijoni një mjedis të rrezikshëm dhe të frikshëm dhe dikush do të lëndojë Pete dhe i gjithë ky do të jetë faji juaj”, dyshohet se Kardashian, 41 vjeç, i dërgoi një mesazh reperit legjendar të hënën.

Në anën tjetër, Davidson, 28 vjeç, akoma nuk i është përgjigjur publikisht kërcënimeve të West. /Telegrafi/