Joshua akuzohet se mendon vetëm për paratë, pas komenteve për të drejtat e njeriut në Arabinë Saudite

Anthony Joshua ka nxitur kritika të shumta pas komenteve të tij në lidhje me të drejtat njerëzore ne Arabinë Saudite, në veçanti lidhur me qasjen ndaj homoseksualëve.

Ish-kampioni i botës në kategorinë e peshave të rënda në dhjetor do të ndeshet me Andy Ruiz Jr në rimeçin mes tyre, në përpjekje që t’i kthejë titujt e humbur.

Porse vendimi që dueli të zhvillohet në Arabinë Saudite, ka nxitur reagime të shumta për shkak se thuhet që ai vend i shkel të drejtat e njeriut.

Ndërsa gjatë një interviste për BBC, i pyetur për të drejtat e homoseksuale (pasi thuhet se në Arabinë Saudite homoseksualizmi dënohet me vdekje), boksieri theksoi se duhet të respektohen ligjet e një vendi dhe se ata që nuk mund të udhëtojnë atje e kanë mundësinë ta shohin meçin në televizor.

Lexo po ashtu "Dënimi me vdekje" për homoseksualët në Arabinë Saudite, Joshua: Nëse nuk mund të vini, mund ta shikoni meçin në televizor

“Ekzistojnë politika të caktuara në atë vend dhe ekzistojnë politika të cilat thjesht duhet t’i zbatojmë, ndërsa unë e respektoj ligjin dhe kështu janë gjërat në vende të caktuara. Nëse nuk mund të vini atje, akoma mund ta shikoni (meçin), jeni të hapur për mbështetje dhe unë e vlerësoj mbështetjen tuaj nga cilido komunitet”, ishte deklarata e Joshuas.

Menjëherë ka ardhur reagimi i tifozëve, të cilët i kanë kërkuar që ta anulojë meçin, ndërsa shumë prej tyre e kanë akuzuar se ai po bën gjithçka vetëm për të fituar sa më shumë para.

“Të drejtat njerëzore, mos më bëni të qesh. Atij nuk i interesojnë ato. Mi tregoni paratë, gjithçka është për to”; “Sa i tmerrshëm është ky qëndrim. Ai duhet ta anulojë meçin”; “Është vërtet pikëlluese kjo që i ka ndodhur AJ”; “Rrëmbyes parash” – janë disa prej komenteve në rrjetet sociale. /Telegrafi/

Anthony Joshua is questioned on Saudi Arabia's human rights record before his bout with Andy Ruiz on 7 December.

The decision to host the bout there has attracted criticism.

Watch 🎥 https://t.co/zwumIDlpY3#JoshuaRuiz2 pic.twitter.com/vw5J2IQ05m

— BBC Sport (@BBCSport) September 7, 2019

It’s really sad to see what’s happened to AJ. Shows the importance of picking the right management in boxing. Could have gone to try and conquer America a couple of years back and become a legend, now he is sticking up for a second rate match in the desert

— Jacob Greenwood (@JGreenwood91) September 8, 2019

You'd be humbled if you were gay or a women over there. Money grabbing chief

— Gertcha (@Gertcha1882) September 4, 2019