LAJMI I FUNDIT:

Jose Mourinho tregon lojtarin për të cilin është penduar që nuk e ka stërvitur në karrierën e tij

Jose Mourinho tregon lojtarin për të cilin është penduar që nuk e ka stërvitur në karrierën e tij

Jose Mourinho ka zbuluar se cili është lojtari për të cilin është penduar që nuk ka arritur ta stërvisë gjatë karrierës së tij.

Duke marrë parasysh se Mourinho ka qenë trajner i ekipeve të ndryshme si Chelsea, Inter, Real Madrid dhe Manchester United, është e vështirë të mendosh për ndonjë trajner me një rezyme më të pasur se ajo e tij.

“The Special One” ka fituar pothuajse gjithçka që mund të fitohet në botën e futbollit, duke stërvitur legjenda si Cristiano Ronaldo, Frank Lampard dhe Samuel Eto’o gjatë kësaj periudhe.

Sidoqoftë, përkundër gjithçkaje që ai ka arritur në karrierën e tij 24-vjeçare si trajner, ka një gjë për të cilën Mourinho është penduar.

Zbulohet qëndrimi i Mourinhos për një rikthim të mundshëm tek Chelsea
Lexo po ashtu Zbulohet qëndrimi i Mourinhos për një rikthim të mundshëm tek Chelsea

Mourinho është dashur që të tentojë ta vë nën kontroll Lionel Messin disa herë përgjatë viteve, dhe teksa e ka stërvitur rivalin e argjentinasit, Cristiano Ronaldon tek Real Madridi, ai kurrë nuk e ka pasur mundësinë që ta quajë tetë herë fituesin e Topit të Artë si lojtarin e tij.

“Për shembull, unë kurrë nuk kam pasur mundësinë që të stërvisë Lionel Messin, por pastaj askush nuk mund ta stërvisë Messin”, ka thënë Mourinho.

“Është absurde të mendosh se ju mund ta stërvisni atë, sepse ai ka lindur me gjithçka dhe tashmë di gjithçka. Ai mund t’iu mësojë ju disa gjëra. Gjithçka që mund të thoni është se ju keni pasur nderin që ta keni atë në skuadër”, është shprehur tekniku portugez.

“Do të doja të kisha Daniele De Rossin tek Inter dhe Real Madrid, por nuk ishte e mundur. Unë doja gjithashtu Tottin tek Inter, përkundër moshës së tij atë kohë, por kjo nuk ishte e mundur gjithashtu. Këta janë lojtarë të cilët do të doja t’i stërvisja në karrierën time”, përfundoi ai./Telegrafi/


Në trend Sport

Më shumë
Dalin pamjet se çfarë u bënë medaljeve Caicedo dhe Lavia pas humbjes së finales nga Liverpooli

Dalin pamjet se çfarë u bënë medaljeve Caicedo dhe Lavia pas humbjes së finales nga Liverpooli

Premier League
“Çfarë lojtari” - Bellingham i impresionuar nga ylli i Liverpoolit

“Çfarë lojtari” - Bellingham i impresionuar nga ylli i Liverpoolit

Premier League
Zbulohet oferta e 'çmendur' që Man Utd i bëri Mbappes, por francezi do të transferohet te Reali për shumë më pak

Zbulohet oferta e 'çmendur' që Man Utd i bëri Mbappes, por francezi do të transferohet te Reali për shumë më pak

Premier League
Hansi Flick dëshiron dy lojtarë të Manchester United nëse bëhet trajneri i Barcelonës

Hansi Flick dëshiron dy lojtarë të Manchester United nëse bëhet trajneri i Barcelonës

La Liga

"Kjo ishte diçka që nuk e kisha parë në asnjë lojtar deri në atë moment" - drejtori i Barcelonës thekson aftësinë mahnitëse të Ronaldos

Përfaqësueset
Coutinho tregon se kush duhet ta drejtojë Barcelonën mes Klopp dhe Flick

Coutinho tregon se kush duhet ta drejtojë Barcelonën mes Klopp dhe Flick

Bundesliga
Kalo në kategori