Johnny Depp fotografohet me paterica dhe allçi pas lëndimit që pësoi në këmbë

Johnny Depp u pa i veshur me një çizme mjekësore dhe duke ecur me paterica të mërkurën teksa po largohej nga hoteli i tij në Manchester ndërsa vazhdoi të rikuperohej disa javë pasi pësoi një dëmtim në kyçin e këmbës.

Ylli i Hollywoodit, 60 vjeç, i mori gjërat ngadalë ndërsa mbështetej në paterica për të marrë me kujdes rrugën për në autobusin e tij turistik.

Johnny është aktualisht në turne me grupin e tij “Hollywood Vampires”, në Mbretërinë e Bashkuar me shfaqjet e ardhshme në Scarborough, Swansea, Manchester dhe Londër, shkruan DailyMail.

Duke mos lejuar që dëmtimi i tij t’i pengohej, Johnny dukej me humor të mirë ndërsa po dilte nga hoteli i tij dhe mbante një gotë të kuqe në dorë.

Ylli i “Pirates Of The Caribbean” veshi një xhaketë lëkure ngjyrë kafe, të cilën e bashkoi me një këmishë me kuadrate të kaltër dhe një kapelë me vija kaltër dhe të kuqe.

Duke përfunduar pamjen e tij, ai shtoi pantallona të zeza, syze dielli me ngjyrë dhe atlete të bardha dhe jeshile, me këmbën tjetër të mbyllur në çizmet mjekësore.

Dalja e Johnny me paterica vjen pasi ai u detyrua të shtyjë turneun e ardhshëm të grupit të tij në Amerikë për shkak të një dëmtimit.

Një person i brendshëm zbuloi për TMZ se babai i dy fëmijëve ‘i është thyer kyçi i këmbës dhe ekipi i tij mjekësor e ka udhëzuar atë të mos udhëtojë me aeroplan këtë periudhë’.

Kjo do të thotë se aktori i “Edward Scissorhands” nuk ishte në gjendje të performonte në tre shfaqjet e ardhshme të Hollywood Vampires, të cilat ishin planifikuar në New Hampshire, Massachusetts dhe New York, në qershor.

Muajin e kaluar, Depp dhe shokët e tij të grupit, Alice Cooper dhe Joe Perry, konfirmuan lajmin se duhet të riplanifikojnë tre datat e para të turneut në SHBA.

“Ne jemi të trishtuar të ndajmë që Hollywood Vampires do të ricaktojnë tre datat e turneut tonë në SHBA këtë javë që vjen”, zbuloi grupi në postimin e tyre.

“Johnny ka pësuar një dëmtim të dhimbshëm në kyçin e këmbës pas paraqitjeve të tij të fundit dhe është këshilluar nga mjeku i tij që të mos udhëtojë”, thanë ata.

“Ai është i shkatërruar nga kjo kthesë e ngjarjeve, por mezi pret të pushojë në mënyrë që të katër Vampires të sjellin më të mirën e tyre absolute në turneun në Evropë”, vazhdoi grupi.

Johnny, Alice dhe Joe formuan “Hollywood Vampires” në vitin 2012, duke performuar fillimisht këngë për të nderuar yjet e rock-ut që vdiqën në vitet 1970. /Telegrafi/