Ylli latin me famë ndërkombëtare, J Balvin ka mbërritur në Kosovë.

Këtë e ka bërë të ditur vet artisti përmes një postimi në llogarinë e tij në Instagram.

Për të njoftuar se tashmë gjendjet në vendin tonë ai ka publikuar një fotografi të flamurit të Kosovës, ndërsa sipër vendosi edhe lokacionin.

Foto: Dua Lipa/Instagram

Ardhja e J Balvin në Prishtinë është në kuadër të “Sunny Hill” dhe ylli nga Kolumbia do të performojë sonte, në natën e dytë të festivalit.

Balvin-emri i vërtetë i të cilit është Jose Alvaro Osorio Balvin njihet për hitet të shumta si : In Da Getto, Mi Gente, Agua, Rojo dhe “Un Dia” që e solli në bashkëpunimin me yllin shqiptar, Dua Lipa.

Reklama

Foto: J Balvin/Instagram

Reklama

Kujtojmë që mbrëmë (e enjte) në natën e parë të festivalit ishte pikërisht Dua ajo që u ngjit në skenë dhe ndezi publikun me performancën madhështore që dhuroi mesnatën e së enjtes (4 gusht).

Dua Lipa dhuroi performancë madhështore në Prishtinë - elektrizon skenën e “Sunny Hill Festival” Dua Lipa dhuroi performancë madhështore në Prishtinë - elektrizon skenën e “Sunny Hill Festival”

Ndërkaq, emra të tjerë të famshëm që do të jenë pjesë e “Sunny Hill Festival” janë edhe Skepta, Mahmood dhe Diplo, teksa festivali pritet të mbyllet të dielën (7 gusht).

Theksojmë që “Sunny Hill Festival” përveç në Prishtinë këtë vit për herë të parë do të mbahet edhe në Tiranë më 26,27 dhe 28 gusht. /Telegrafi/

Foto: J Balvin/Instagram