Ish-kryeministri kanadez ia dhuron ambasadorit Kryeziu topin e basketbollit, me të cilin luajti me refugjatët kosovarë në vitin 1999

Ambasadori i Kosovës në Kanada, Adriatik Kryeziu, për nder të 25 vjetorit të çlirimit të Kosovës është takuar për një drekë me Jean Chretien, i cili ishte kryeministër i Kandasë në vitin 1999, kur ky vend priti refugjatët kosovarë të përndjekur nga forcat ushtarako-policore serbe gjatë luftës në Kosovë.

Ambasadori Kryeziu, përmes një postimi në Facebook, ka thënë se përveç ish-kryeministrit kanadez ka takuar edhe gjeneralë të këtij shteti që ishin pjesë e komandës së ndërhyrjes ajrore të NATO-s mbi caqet serb si dhe gjeneralit që hyri në Kosovë me trupat kanadeze në qershorin e vitit 1999.

“Më 1999, saktësisht 25 vite pas takimit dhe pritjes se ngrohtë nga ana e Kryeministrit Kanadez të asaj kohe Jean Chretien për diasporën e Kosovës në Kanada, i përgjigjem ftesës së Erin O’Toole- ish Deputet Federal dhe mik i madh i Kosovës, për një drekë me ish Kryeministrit Chretien, Gjeneralit të komandës Ajrore në kuadër të ndërhyrjes ajrore të NATO-s kundër caqeve Serbe – Billie Flynn, Gjeneral Majorit të këmbësorisë së trupave Kanadeze në Kosovës- Mike Ward, dhe Dani Brajshori nga diaspora e Kosovës në Kanada, për të përkujtuar 25 vjetorin e çlirimit të Kosovës, integrimin dhe socializmin e diasporës tonë në Kanada si dhe të sukseseve të Republikës së Kosovës e raporteve të shkëlqyera bilaterale mes Kosovës dhe Kanadasë”, ka shkruar ambasadori Kryeziu, transmeton Telegrafi.

Ai ka thënë se “me këtë rast dhe në mënyrë simbolike pranoj topin me mesazhin e Kryeministrit, i cili simbolizon dhe përkujton ndeshjen e përbashkët të basketbollit të realizuar 25 vite më parë mes Kryeministrit Chratien me refugjatë të sapo ardhur të Kosovës në Kampin e Refugjatëve Borden në Kanada”.

“Emocione të përziera mbi të kaluarën, integrimin e suksesshëm të diasporës tonë në Kanada dhe zhvillimin e Kosovës dhe popullit të saj ndër vitesh”, ka shkruar ambasadori Kryeziu. /Telegrafi/