Interi është gati ta ulë çmimin e Lautaro Martinezit

Klubi i madh italian, Interi është i përgatitur të ulë çmimin e tyre për objektivin e Barcelonës, Lautaro Martinez.

Ylli argjentinas, Lautaro Martinez mund të largohet në verë nga Giuseppe Meazza për një çmim më të vogël sesa ai që është raportuar.

Sipas Corriere della Sera, me përfundimin e klauzolës së lëshimit prej 111 milionë eurosh, Interi tani është i hapur për të negociuar një çmim të ri për Martinez, të cilin Barça e ka synuar si pasardhësi afatgjatë të Luis Suarezit.

Lexo po ashtu ESPN: Barcelona ka marrëveshje me Interin për Lautaron, pritet shitja e Coutinhos

Tani Interi thuhet se po kërkon 90 milionë, megjithëse Barça është ende e prirur të negociojë dhe do të preferonte të përfshijë ndonjë lojtar në këmbim për të ulur edhe më tej koston.

Fakti që Martinez ka treguar dëshirën e tij për të luajtur për Barçën, e ka detyruar Interin të rivlerësojë strategjinë e tyre, pasi më parë kishte insistuar se nuk donin ta shisnin.

Tani për tani, kjo do të thotë një ulje prej 21 milionë eurosh, por ka ende një rrugë të gjatë për të bërë dhe shumë kthesa të ndodhin në tregun e transferimeve. /Telegrafi/