Inflacioni në rritje – cilat janë çmimet më të lira dhe më të shtrenjta për një filxhan kafe në vendet e BE-së?
Rritja e inflacionit në vendet e BE-së nuk ka kursyer një nga “kënaqësitë e thjeshta”: një filxhan kafe.
Duke pasur parasysh konsumin e saj të madh në të gjithë kontinentin, ajo është bërë, ndoshta më shumë se shumica e artikujve të tjerë, një nga matësit më të mirë se sa inflacioni po ndikon në kostot e ushqimit dhe, si rrjedhojë, në financat personale në muajt e fundit.
Kështu, sipas mediave të huaja, përcjell Telegrafi, çmimi i kafesë në të gjithë kontinentin është rritur me 16.9 për qind në gusht krahasuar me të njëjtin muaj të vitit të kaluar, sipas Eurostat, duke e bërë atë diçka luksoze për miliona evropianë që janë mësuar ta nisin ditën e tyre me një “të shtënë të kafeinës”.
Por lajmet e zymta nuk mbarojnë këtu: çmimi i “kapuçinove”, “makiatove” dhe “latës” janë goditur më keq se një “ekspreso e thjeshtë ose një amerikane” për shkak të rritjes së çmimeve të artikujve të tjerë, përfshirë qumështin.
Qumështi i freskët tani kushton 24.3 për qind më shumë se vitin e kaluar, ndërsa qumështi i freskët me pak yndyrë është rritur me 22.2 për qind.
Por rritja më e madhe e çmimeve ishte ajo e sheqerit, i cili tani është 33.4 për qind më i shtrenjtë se vitin e kaluar.
Për miliona evropianë, këto ndryshime çmimesh ka të ngjarë të bëjnë një ndryshim të madh në financat e tyre; evropianët vlerësohen të jenë konsumatorët më të mëdhenj të kafesë në mbarë botën.
Por, megjithëse askund në Evropë nuk është kursyer nga rritja e çmimit të kafesë, situata nuk është e njëjtë në të gjithë kontinentin me kostot që ndryshojnë nga vendi në vend.
Ku është kafeja më e shtrenjtë në Evropë?
Konsumatorët e kafesë në Finlandë dhe Lituani në veçanti do të kenë vënë re deri tani se filxhani i tyre i përditshëm i kafesë po “godet xhepat e tyre” shumë më tepër sesa dikur vetëm një vit më parë.
Në të dy vendet, çmimi i kafesë është rritur përkatësisht me 43.6 dhe 39.9 për qind.
Në top 5 vendet fatkeqe që kanë pësuar rritjen më të lartë të çmimit të kafesë janë edhe Suedia, me një rritje prej 36,7 për qind, Estonia, 36,4 për qind dhe Hungaria, 34,3 për qind.
Estonia dhe Lituania janë gjithashtu ndër 5 vendet kryesore që panë rritjen më të madhe të çmimeve në sheqer dhe qumësht të freskët.
Estonia pa një rritje të çmimit të sheqerit prej 81.2 për qind dhe 38.9 për qind në qumështin e freskët, ndërsa Lituania pati një rritje të çmimeve të qumështit të freskët me 50.2 për qind dhe çmimet e qumështit të freskët me pak yndyrë u rritën me 46.8 për qind.
Dashamirësit polakë të kafesë së shpejti mund të kalojnë në pirjen e kafesë së zezë, pasi çmimi i sheqerit atje është rritur me 109.2 për qind këtë vit, ndërsa Hungaria pa rritjen më të lartë të çmimit të qumështit të freskët me pak yndyrë, me 51.7 për qind.
Ku është më e lirë?
Për fat të mirë për italianët, atdheu i ekspresit ka pësuar rritjen më të vogël të çmimit të kafesë me një rritje të çmimeve me 6.6 për qind, e ndjekur nga Irlanda me 6.9 për qind dhe Malta me 9.7 për qind.
Malta ishte gjithashtu i vetmi vend që nuk raportoi ndryshim në çmimin e qumështit të freskët.
Në top 5-shen për kafenë më të lirë janë edhe Portugalia, e cila pa një rritje çmimi prej 10.5 për qind dhe Franca me 11.2 për qind.
Shtimi i sheqerit në një filxhan kafeje është më i lirë në Austri, Suedi dhe Gjermani, ku çmimi i sheqerit është rritur përkatësisht me 1.9, 2.1 dhe 2.3 për qind.
Ndërsa shtimi i qumështit në kafe do t’ju kushtonte më pak në Francë, Qipro dhe Luksemburg për qumështin me pak yndyrë (rritje me 9.4, 10.9 dhe 11.5 përqind respektivisht) dhe në Itali, Qipro dhe Luksemburg për qumësht të plotë (rritje me 10.1, 11.5 dhe 13.0 për qind). /Telegrafi/
Lufta Prigozhin - Putin
Më shumëZelensky tregon tri llojet e armëve që i duhen Ukrainës për të mposhtur Rusinë
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Franca dhe Gjermania nënshkruajnë marrëveshjen miliarda euroshe mbi një projekt armësh
Zelensky paralajmëron për një "Çernobil të dytë"
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre