Mauro Icardi raportohet se është i gatshëm të refuzojë edhe Juventusin në mënyrë që të qëndrojë te Interi, mes spekulimeve që ai pret një fëmijë tjetër me gruan e tij Wanda Nara.

Drejtuesit e Interit mbajtën takim me Icardit të enjten duke i thënë se nuk kishte shpresë që ai të ringjallte karrierën e tij me klubin zikaltër.

Në ndërkohë, ishte pohuar se ai do të linte Nerazzurrët vetëm për Juventusin, pavarësisht interesimit nga Napoli dhe Roma.

Takimi me drejtuesit nuk solli zgjidhje, por vetëm acarime - Icardi është gati të padisë Interin Takimi me drejtuesit nuk solli zgjidhje, por vetëm acarime - Icardi është gati të padisë Interin

Megjithatë, mediumi i njohur italian Gazzetta dello Sport paralajmëron se fundi i korrikut ishte afati i largimit të tij dhe një gjë e tillë nuk u materializua.

Si pasojë, gazeta shkruan se ai tani ka qëllim që të qëndroj në Giuseppe Meazza, kryesisht për arsye familjare.

Icardi dhe Wanda pritet të bëhen edhe me një fëmijë (Foto: Emilio Andreoli/Getty Images/Guliver)

Kjo pasi ai dhe gruaja e tij, njëherësh agjentja, Wanda Nara, thuhet se është shtatzënë dhe pret fëmijën e radhës me Icardin.

La Gazzetta gjithashtu raporton të enjten se sulmuesi po përgatiste veprim juridik nëse ai lihej jashtë listave të skuadrës e për Serie A dhe Ligën e Kampionëve. /Telegrafi/