Jose Mourinhos iu tregua kartoni i kuq pasi hyri në fushë gjatë një kërkimpenalltie gjatë ndeshjes ndërmjet Romës dhe Atalantas në Stadio Olimpico.

Në pjesën e dytë të takimit që u zhvillua të dielën në kryeqytetin italian, vendasit kërkuan penallti, por ashtu nuk mendoi gjyqtari.

Në këtë situatë, nuk mungoi edhe reagimi i trajnerit të Giallorossëve dhe veprimi i tij u ndëshkua me karton të kuq.

Ky suspendim, do t’ia pamundësojë strategut portugez ta drejtojë Romën në sfidën e 1 tetorit në Giuseppe Meazza kundër skuadrës së dikurshme, Inter.

Mourinho është mësuar të kryesojë titujt e gazetave sportive me veprimet kundërthënëse gjatë karrierës së tij me klubet, si Porto, Chelsea, Inter, Real Madrid, Manchester United, Tottenham Hotspur dhe tash Roma.

Reklama
Reklama

Roma pësoi humbje minimale në këtë takim dhe humbi rastin ta ngushtonte diferencën me ekipet e kreut të tabelës. /Telegrafi/