Kinemaja më e madhe në Kosovë, Cineplexx, njofton se nga sot, më 27 maj, do të nis shfaqjen një nga filmat e shumëpritur të zhanrit horror të këtij viti, A Quiet Place Part II.

Filmi i shumëpritur A Quiet Place Part II, nis nga sot të shfaqet në Cineplexx.

Filmi është vazhdim i filmit hit A Quiet Place, i cili kishte arkëtuar mbi 340 milionë në arkat filmike 3 vite më parë.

Pas ngjarjeve në shtëpi, familja Abbott tani përballet me tmerret e botës së jashtme. Të detyruar të futen në të panjohurën, ata e kuptojnë që krijesat që bëjnë gjah përmes zhurmës nuk janë kërcënimi i vetëm. Në regji në film rikthehet John Krasinski, ndërsa në rolet kryesore luajnë Cillian Murphy, Emily Blunt, Noah Jupe, Millicent Simmonds dhe Djimon Hounsou.

Nga sot filmi do të shfaqet në orare të ndryshme çdo ditë përveç ditës së hënë kur kinemaja në Prishtinë është e mbyllur. Në kinemanë në Prizren ditë pushimi vazhdon të jetë edhe dita e mërkurë. Biletat përveç në mënyrë fizike, tashmë mund t’i bleni edhe përmes aplikacionit të ri të Cineplexx, Cineplexx KS, që mund ta gjeni edhe në IoS edhe në Android, të lansuar pas pandemisë në përpjekje për të evituar turmën gjatë blerjes së biletave.

Përveç këtij filmi, nga sot si premierë fillojnë të shfaqen edhe filmi Cruella, nga Disney, që është një adaptim i personazhit të famshëm Cruella de Ville, nga animacioni 101 Dalmatians, si dhe filmi për fëmijë, The Croods 2.

Për më tepër informata rreth filmit si dhe orareve të tij në të dy kinematë, dhe vizitoni webfaqen e Cineplexx Kosovo.