LAJMI I FUNDIT:

Herrera me pretendime të forta për ndeshjen ndaj Cityt, fajëson gjyqtarin për ndikim dhe sharje ndaj Paredesit

Herrera me pretendime të forta për ndeshjen ndaj Cityt, fajëson gjyqtarin për ndikim dhe sharje ndaj Paredesit

Ander Herrera pretendoi në mënyrë të pabesueshme se Paris Saint-Germain ishte ekipi më i mirë të martën në mbrëmje kundër Manchester Cityt dhe se gjyqtari i dëmtoi ata, teksa edhe fyeu me fjalë banale Leandro Paredesin.

City kaloi në finalen e madhe të Ligës së Kampionëve pas fitores 2-0 në Etihad në ndeshjen kthyese, teka u kualifikua me rezultat të përgjithshëm 4-1 nga dy ndeshjet.

Ekipi nuk tregoi shumë përparim gjatë 90 minutave, me vetëm një goditje të rrezikshme me kokë të Marquinhos gjatë pjesës së parë.

Skuadra e Mauricio Pochettinos faktikisht nuk kishte as një goditje në portë nga minuta e 28-të e ndeshjes së parë deri në fund të ndeshjes së dytë, dhe City siguroi finalen më lehtë sesa pritej.

Guardiola pas fitores ndaj PSG-së: Jam krenar me kualifikimin në finale, lojtarët e merituan
Lexo po ashtu Guardiola pas fitores ndaj PSG-së: Jam krenar me kualifikimin në finale, lojtarët e merituan

Për shumicën e njerëzve kjo do të ishte e mjaftueshme për të sugjeruar që City e meritoi plotësisht kalimin pasi ishin ekipi më i mirë, por jo për mesfushorin Herrera.

“Ne ishim skuadra më e mirë për 70 minuta. I provuam të gjitha. Sulmuam, u përpoqëm të sulmonim. Ne do të largohemi nga këtu me kokën lart”, ka thënë fillimisht Herrera pas ndeshjes.

Përkundër sugjerimit të 31-vjeçarit se ata mund të mbanin kokën lart, lojtarët e PSG-së duket se në të vërtetë humbën kokën drejt fundit të lojës, siç kishin bërë edhe në Paris gjashtë ditë më parë.

Angel di Maria u largua nga loja në minutën e 69-të, pas një goditje ndaj Fernandinhos, dhe ata ishin me fat që nuk morën tjerë kartonë të kuq.

Sidoqoftë Herrera u ankua në lidhje me veprimet e gjyqtarëve, duke pretenduar se gjyqtari i kishte thënë “Q***” shokut të tij të skuadrës, Leandro Paredes.

“Gjyqtari sonte i tha ‘q***’ Leandro Paredesit. Nëse ne themi këto fjalë, dënohemi nga 3 ose 4 ndeshje”, përfundoi spanjolli.

Verratti: Kemi besuar deri te kartoni i kuq, City e meritoi finalen e tyre të parë
Lexo po ashtu Verratti: Kemi besuar deri te kartoni i kuq, City e meritoi finalen e tyre të parë

Herrera nuk ishte i vetmi lojtar i PSG-së që u ankua për gjyqtarët, pasi edhe Marco Verratti e bëri një gjë të tillë.

“Gjyqtari gjithashtu më tha ‘q***’ dy herë. Për ta është normale, por ne nëse themi janë dhjetë ndeshje [ndalim]. Unë flas shumë me gjyqtarin por nuk ua them kurrë atë”, deklaroi Verratti. /Telegrafi/

Në trend Sport

Më shumë
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Greenwood mund të largohet nga Man Utd për t'u bashkuar me ekipet rivale nga Liga Premier

Greenwood mund të largohet nga Man Utd për t'u bashkuar me ekipet rivale nga Liga Premier

Premier League
I thjeshti, i vështiri, ideali dhe i brendshmi – katër opsionet e Barcelonës për trajnerin e ri

I thjeshti, i vështiri, ideali dhe i brendshmi – katër opsionet e Barcelonës për trajnerin e ri

La Liga
Kalo në kategori