Henry mbështet Del Pieron për tu bërë president i Juventusit: Unë e di se çfarë përfaqëson ai për klubin

Legjenda e Juventusit, Alessandro Del Piero shpjegon se çfarë i duhet për t’u bërë president i klubit një ditë, ndërsa ish-shoku i tij i skuadrës Thierry Henry i kërkon atij të kthehet në “Allianz Stadium”.

Del Piero, lojtari me më shumë ndeshje të luajtura dhe gola të shënuar në historinë e Juventusit, komentoi ndeshjet e së mërkurës në Ligën e Kampionëve në CBS së bashku me Henry, Jamie Carragher dhe Micah Richards.

Biseda u kthye në të ardhmen e Del Pieros dhe nëse ai do të ishte gati të kthehej në Juventus si president i klubit.

“Ka shumë thashetheme, sigurisht, nuk jam këtu për të thënë po ose jo”.

“Kjo është më e madhe, një gjë e madhe. Sigurisht, siç thashë më parë, zemra ime është ende atje. Kur keni kaluar 19 vjet në një klub, deri para disa vitesh, ishte pjesa më e madhe e jetës sime… Unë gjithmonë e shikoj Juventusin me një pikëpamje tjetër. Përpiqem për të shmangur anën emocionale, por është e vështirë”.

“Kjo varet nga shumë gjëra. Besoj se nuk mund të mendosh për një rol vetëm për veten, duhet të jesh në një ekip së bashku, veçanërisht në një klub dhe veçanërisht në këtë epokë, që duhen shumë gjëra për të bërë në klub. Mendoj se është një vizion që duhet ta kenë të gjithë, përfshirë edhe mua”, deklaroi Del Piero.

Would @delpieroale return to Juventus as vice-president?

Thierry Henry thinks he'd be perfect for the role. ⚫️ ⚪️ pic.twitter.com/3JU44EvguO

— CBS Sports Golazo ⚽️ (@CBSSportsGolazo) April 12, 2023

Kandidatura e mundshme e Del Piero u mbështet fuqishëm nga Henry, i cili luajti me legjendën italiane në Torino për gjashtë muaj në vitin 1999, kur trajner ishte Carlo Ancelotti.

“Juventusi ka pasur shumë lojtarë të mrekullueshëm dhe njëri prej tyre na la kohët e fundit, ju e dini se për kë po flas [Gianluca Vialli]”.

“Unë e di se çfarë përfaqëson Del Piero për Juventusin, çfarë mund të sjellë atje dhe çfarë mund të bëjë. Ai e di lojën, zonën dhe çfarë i nevojitet skuadrës. Tani, si do të kthehet? Unë nuk e di. Historia më kujton pak Maldinin. Ai u kthye dhe shiko Milanin tani. Unë po them se ky njeri këtu duhet të kthehet në Juve. Ti duhet të kthehesh njeri”, deklaroi Henyr.

Del Piero nuk u largua nga Juventusi në verën e vitit 2006, disa muaj pasi fitoi Kupën e Botës, pavarësisht se Bianconerët u rrëzuan në Serie B pas skandalit Calciopoli.

“Sigurisht, unë kam qenë tifoz i Juventusit përpara se të luaja atje, kam kaluar 19 vjet në klub. Kam kaluar një krizë të madhe në vitin 2006 dhe rindërtimi i ekipit mori shumë kohë”.

"Everybody hates Juve. That's the first thing to say… and I think the team are performing really well."@delpieroale thinks Juventus have responded well to their 15-point deduction. pic.twitter.com/PzGe1nPSoM

— CBS Sports Golazo ⚽️ (@CBSSportsGolazo) April 12, 2023

“Unë e di se si ndihet klubi në këtë situatë ku nuk e dini se çfarë do të ndodhë. Është e vështirë. Kjo është arsyeja pse unë them se ata po bëjnë mirë, nga këndvështrimi im”, nënvizoi legjenda italiane e futbollit. /Telegrafi/