Nënkryetari i LDK-së, Lutfi Haziri, ka thënë se veprimi i deputetes së kësaj partie, Teuta Rugova (qëndrimi në sallën e Kuvendit për ta mundësuar kuorumin për pozitën) nuk ka qenë ndonjë befasi.
“Unë nuk do të doja shumë ta komentoja, por veprimi është i përsëritur. Pjesëmarrja në seancë e deputetes së LDK-së Teuta Rugova ka qenë e paralajamëruar dhe e pritur për mua si nënkryetar i LDK-së dhe e thënë për gjithë Kryesinë dhe Grupin Parlamentar të LDK-së”.
“Vetëm naivët politikë kanë mund ta besojnë ndryshe sjelljen e Teuta Rugovës. Edhe pse e re, ajo ka një konsistencë politike në këtë mandat qeverisës, shpeshherë edhe në kundërshtim me vullnetin e Grupit Parlamentar apo edhe Kryesisë së LDK-së. Por me këtë fakt është dashtë të mësohen deri tash Grupi Parlamentar dhe të veprojnë politikisht konform këtij veprimi” tha Haziri për Klan Kosovën.
Ai ka folur edhe për kërkesën e deputetit të LDK-së, Driton Selmanaj, që ka kërkuar edhe përjashtimin e koleges së tij (Teuta Rugova), duke marrë shkas nga veprimi i sotëm.
Haziri ka bërë thirrje që të mos etiketohen njerëzit brenda LDK-së.
“Po më duken deklarata të ngutshme. Kisha apeluar që të mos kualifikojnë dhe të mos bëjnë thirrje politike pa vend dhe ta paqëndrueshme sepse Grupi Parlamentar edhe më tutje, në masën e tij, është unik në veprime, ka mbështetjen e Kryesisë së LDK-së dhe nuk i shkon për hije në asnjë mënyrë kualifikimet, tendencat për linçim, e aq më pak deputetëve që në këtë legjislaturë e kanë mandatin e parë, jo vetëm si deputet por edhe si anëtar të LDK-së”.
“Duhet të respektojnë organizimin e brendshëm, duhet të respektojnë dhe vlerësojnë angazhimin politik që e kemi brenda, pa e kualifikuar askush askënd, në asnjë mënyrë dhe në asnjë formë – sepse ajo ka qenë diçka e pritur, fundja”.
Haziri ka thumbuar edhe kolegët e tij opozitarë, për të cilët ka thënë se deri dje kanë qenë në front për të sulmuar LDK-në dhe kryetarin e saj derisa sot po e vlerësojnë rolin e LDK-së.
“Më duhet t’i komentoj deklaratat që vijnë nga kolegë që vijnë nga kampi i opozitës, që deri dje kanë qenë nënshkrues formalë të peticioneve të PDK-së, AAK-së dhe Nismës për ta rrëzuar Isa Mustafën si kryeministër”.
“Deri dje kanë qenë në front me gaz, me bomba gazi dhe koktej molotovi kundër LDK-së, kryetarit të LDK-së dhe kauzës së rrejshme që e kanë ndërtuar”.
“Të njëjtit sot u dëgjuan pasdite që filluan ta vlerësojnë ose ta rivlerësojnë rolin e LDK-së ndryshe. LDK ka një konsistencë politike, ka qëndrim politik që e ruan. Kërkesa jonë është që të mbahen zgjedhjet para dialogut”.
“Formula jonë – ‘Legjitimitet para Dialogut’, është diskutuar me të gjithë. Veprimi i një deputeti tonë nuk do të thotë që kanë vepruar si Grupi i tyre Parlamentar kur kanë nënshkruar mocione dhe kanë vepruar politikisht për ta rrëzuar qeverisjen e LDK-së”, ka thënë Haziri.
Promo
Reklamo këtuLufta Prigozhin - Putin
Më shumëPasuria e majme e kreut të Prishtinës – banesa, rezidencë, veturë Tesla e koleksion pikturash milionëshe
Sa kanë pasuri Osmani dhe Kurti? Dyshja deklaron pasurinë e tyre në Agjencinë për Parandalimin e Korrupsionit
Pasuria e Memli Krasniqit, ai posedon numër të madh të kriptovalutave
Tri shtëpi në Kosovë, një në Shqipëri dhe një vilë - kjo është pasuria e Ramush Haradinajt
Banesë, depo, parking e kursime në bankë – kjo është pasuria e kryeparlamentarit Konjufca
Serwer tregon se pse Serbia i frikësohet anëtarësimit të Kosovës në Këshillin e Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel