Anëtari i Kryesisë së Lëvizjes Vetëvendosje, Xhelal Sveçla, është parë duke biseduar në Tiranë me drejtorin e të ashtuquajturës Zyrë për Kosovën në Qeverinë e Serbisë, Marko Gjuriq.

Sveçla, deputet i zgjedhur në Kuvendin e Kosovës, është fotografuar gjatë një takimi me zyrtarin e qeverisë serbe, në mbrëmjen e së shtunës.

Fotografitë janë realizuar në Tiranë, në atë që njihet si “15-katëshi”, ku edhe po zhvillohej takimi.

Në lidhje me këtë ka reaguar sot në një konferencë për media kryeministri në detyrë i Kosovës Ramush Haradinaj.

Ai tha se Lëvizja Vetëvendosje duhet të japë një shpjegim lidhur me takimin e djeshëm të Xhelal Sveçlës the Marko Gjuriqit.

Agim Bahtiri arsyeton bashkëpartiakun: Xhelali nuk është ulur me Gjuriqin për ta ndarë Kosovën Agim Bahtiri arsyeton bashkëpartiakun: Xhelali nuk është ulur me Gjuriqin për ta ndarë Kosovën

“Mendoj se risi është vetëm kjo situata me LVV-në, ata një kohë të caktuar kanë pasur qëndrim kundër. Tani kanë ndryshuar qëndrim, meriton shpjegim nga Vetëvendosja, unë nuk kam ndonjë koment të them të drejtën”, ka thënë ai.

Ai ka paralajmëruar serbët e Kosovës që të mos përfshihen në diskutimet që lëndojnë shqiptarët, duke mohuar masakrat që kanë ndodhur në vend, ashtu siç po bën presidenti i Serbisë Aleksandër Vuçiq. Në të kundërtën sipas tij, ata do të ballafaqohen me ligjet e Kosovës.

Vetëvendosje sqaron ku dhe pse u takuan Xhelal Sveçla e Marko Gjuriq Vetëvendosje sqaron ku dhe pse u takuan Xhelal Sveçla e Marko Gjuriq

“Është tepër jo normal, mendoj që qytetarët e Kosovës duhet të bëjnë kujdes që të mos involvohen në këtë, pra qytetarët serbë. Në fund të fundit Vuçiq, e zyrtarët tjerë në Beograd e kanë situatë tjetër dhe ata jetojnë në një juridiksion tjetër që është i Serbisë. Por, kisha apeluar te serbët e Kosovës që të mos të involvohen në diskutim të tillë, sepse do të përballen me ligjet e Kosovës, si rasti i ministrit e të gjithë të tjerëve, kjo nuk vlen vetëm për serbët, por edhe nëse një shqiptar ka gjuhë të tillë duhet ndërmarrë masa kundër atyre që lëndojnë tragjedinë e Kosovës”, ka thënë Haradinaj.

Takimi me Xhelal Sveçlen në Tiranë, sqarohet edhe Gjuriqi Takimi me Xhelal Sveçlen në Tiranë, sqarohet edhe Gjuriqi

Ndryshe, ish-deputeti dhe aktivisti i Lëvizjes Vetëvendosje, Xhelal Sveçla pas publikimit të fotos së përbashkët me të ashtuquajturin shefin e zyrës për Kosovë, Marko Gjuriq, ka theksuar se po merr pjesë në një konferencë për Bashkëpunim Rajonal.

Këshilltari i Pacollit: Ne e arrestuam Gjuriqin, ata ulen në tavolinë me të Këshilltari i Pacollit: Ne e arrestuam Gjuriqin, ata ulen në tavolinë me të

“Dua të sqaroj se Lëvizja Vetëvendosje nuk funksionon duke braktisur tryezat. Qëndrimi ynë është të marrim pjesë në çdo diskutim, të argumentojmë qëndrimet tona dhe të pamundësojmë marrëveshjet në dëm të Kosovës, ndryshe nga paraardhësit tanë”, ka shkruar Sveqla dje në Facebook.

Publikimi i fotos së ish-deputetit të LVV-së ka shkaktuar reagime të shumta në rrjetet sociale, ku me ironi theksohet se “Sveçla po diskuton në Tiranë për bashkim kombëtar”.