Pronarët dhe punëtorët e kompanive të autobusëve të linjës Mitrovicë-Prishtinë dhe anasjelltas, protestuan këtë të martë para objektit të Komunës së Mitrovicës. Ata kërkuan ndalimin e qarkullimit të kombi-busëve dhe taksive ilegalë, pasi siç thanë, po e pengojnë punën e tyre.
Protestuesit parkuan dhjetëra autobusë para oborrit të Komunës, ndërsa akuzuan këtë institucion se nuk po ndërhynë përmes inspektorëve për të ruajtur konkurrencën.
Ata u pritën në takim nga kryetari i Mitrovicës, Bedri Hamza, i cili u premtoi zbatim të ligjit.
Në një prononcim për Telegrafin, Hamza tha se në takim me protestuesit ka sqaruar se ligji do të zbatohet për të gjithë, përfshirë edhe kompanitë e autobusëve.
“Kanë qenë sot në zyrën time dhe kemi biseduar. Ju kam sqaruar se ligji do të zbatohet dhe secili do ta përfundojë pjesën e vet të punës. Edhe niveli qendror, sepse trafiku ndër-urban dihet se në përgjegjësi të kujt është”, deklaroi ai.
“Edhe komuna në këtë rast dhe Policia duhet ta kryejnë pjesën e vet secili. Ligji kur them se do të zbatohet, nuk nënkupton që do të zbatohet vetëm ndaj njërës palë. Ligji duhet të zbatohet për të gjithë, duke përfshirë këtu edhe kompanitë e autobusëve”, shtoi Hamza.
I pyetur nëse kanë mungesë të inspektorëve në Mitrovicë apo arsyet pse nuk po gjendet një zgjidhje për problemin disa vjeçar të mini-busëve dhe taksive ilegalë, ai refuzoi të përgjigjej, duke ia hedhur fajin nevelit qendor.
“Komuna e Mitrovicës nuk ka dhënë dhe s’mund të japë leje për qarkullimin ndër-urban të taksive. Do të thotë, janë ilegalë. Inspektori i Mitrovicës del në territor të Mitrovicës, por qysh del jashtë?”, deklaroi kryetari Hamza.
Ndërsa, Jusuf Azemi, kryetar i Sindikatës së Pavarur të Sektorit Privat në Kosovë, ka hedhur akuza të rënda ndaj inspektoratit të komunikacionit në Mitrovicë dhe Vushtrri.
Sipas tij, këta inspektorë janë duke keqpërdorur detyrën, dhe në kushte normale do të duhej të arrestoheshin nga policia.
“Këtu në këtë rreth dikush po keqpërdorë, dikush po merr para. Sipas dyshimit tim, inspektorati i komunikacionit në Mitrovicë dhe Vushtrri janë duke keqpërdorur detyrën dhe në kushte normale këta duhet të shkojnë lidhur (prangosur)… Po e përsëris, dikush këtu po merr para sepse në vija të rregullta të operojnë njerëz ilegalë, tregon se shteti nuk po funksionon… Në protestat e ardhme ne do të bllokojmë rrugët sepse nuk po mund të mbijetojmë”, ka thënë Azemi për KP. /Telegrafi/
Lufta Prigozhin - Putin
Më shumëA po kushtëzohet anëtarësimi i Kosovës në Këshill të Evropës me themelimin e Asociacionit?
Mentor Latifi emërohet ambasador i Kosovës në Zvicër
Vrasja në tentativë në Lupç të Podujevës, Policia jep detaje
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Kurti: Kosova e gatshme për statusin e kandidatit dhe hapjen e negociatave për anëtarësim në BE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit