Florent Hadërgjonaj ka folur për ndeshjen mes Zvicrës dhe Kosovës, e cila u mbyll baras 1-1.

Mbrojtësi i djathtë që është rritur në Zvicër, ka thënë se kjo ndeshje ishte emocionuese për të dhe për shumë lojtarë të tjerë.

“Të fitonim do të ishte një ndeshje më shumë se e veçantë. Kam pasur një ndjenjë tejet të veçante, pasi këtu jam lindur e jam rritur, dhe të luash kundër Zvicrës është një ndjenjë e veçantë”.

“Besoj se kemi treguar vetën si ekip kemi treguar kualitet të lart dhe e kemi dhënë maksimumin në këtë ndeshje”.

“Në të ardhmen synojmë të jemi edhe më të fortë dhe të kemi vazhdimësi. Ne kemi lojtarë cilësorë dhe besoj se do të ngjitemi edhe më lart”.

“Goli i pranuar? Ka qenë gabim individual dhe ishim të pafat pasi nuk arrita të largoj topin, por nga kjo ndeshje besoj se do të mësojmë shumë”, ka thënë Hadërgjonaj pas ndeshjes për Supersport. /Telegrafi/