LAJMI I FUNDIT:

Gustafsson thumbon Jon Jonesin në matjet zyrtare, por amerikani qëndron i qetë

Gustafsson thumbon Jon Jonesin në matjet zyrtare, por amerikani qëndron i qetë
Foto: UFC - Ultimate Fighting Championship/YouTube

Përballja mes Jon Jones dhe Alexander Gustafsson është një nga ato duelet e shumë pritura të UFC-së. Kjo pasi po flasim për dy nga sportistët më të mirë që ka parë bota e artëve të përziera marciale.

Dyshja njihen për rivalitetin e tyre të madh, i filluar nga dueli pesë vite më parë kur Jones kishte fituar me vendim unanim.

Në momentin kur amerikani njoftoi për rikthimin dhe pastaj u njoftua se dueli i ardhshëm do të jetë ndaj suedezit, gjithë tifozët u ngritën në këmbë nga gëzimi dhe mezi po prisnin që të shikonin përballjet e tyre.

Përballja e tyre e parë ishte aq e ashpër sa pas meçit të dy shkuan në spital për të mjekuar plagët e marra

Normalisht që komente thumbuese kishte nga të dy anët pas njoftimit zyrtar të duelit, konfrontime në konferencat për media, por e papritura në javën kur pritej të mbahej ndeshja.

Dana White futet në mes Jon Jonesit dhe Gustafssonit që përplasja e tyre fizike mos të eskalonte më shumë
Lexo po ashtu Dana White futet në mes Jon Jonesit dhe Gustafssonit që përplasja e tyre fizike mos të eskalonte më shumë

Kujtojmë se në vitin 2017 se Jones ishte suspenduar nga UFC-ja pasi kishe rezultuar pozitiv në një substancë të ndaluar. Dhe në testet para duelit me Gustafsson u konstatua që amerikani rezultoi prapë pozitiv me të njëjtën substancë.

Drogë, karrierë ilegale, gjoba milionëshe: Historia e ‘Bones’, luftëtarit më të përfolur në UFC (Foto/Video)
Lexo po ashtu Drogë, karrierë ilegale, gjoba milionëshe: Historia e ‘Bones’, luftëtarit më të përfolur në UFC (Foto/Video)

Ndeshja nuk u anulua pasi USADA (agjencia kundër dopingut në Amerikë) deklaroi se substancat e ndaluara në trupin e 31-vjeçarit janë vetëm mbetje të vitit 2017 dhe ndeshja për titullin e lehtë të peshave të rënda nuk ka nevojë të anulohet.

Por, gjithë këtë komisioni i shtetit të Nevadas e shikoi si të dyshimit dhe vendosi të mos licencojë Jones të ndeshjet në shtetin e tyre, kështu UFC u detyrua të bëjë një tjetër zgjidhje.

Shteti i Kalifornisë u shpreh i gatshëm të organizojnë këtë ndeshje dhe kështu licencuan Jones. Normalisht kjo nuk i pëlqeu Gustafssonit dhe shumë tifozëve që tashmë kishin blerë biletat për Las Vegas, Nevada.

Gjithsesi në matjet zyrtare suedezi thumboi kundërshtarin e përbetuar, fillimisht në fanellën e tij të matjes zyrtare kishte shtypur një simbol ku përshkruhej ndalimi i dopingut, ndërsa tha se në këtë ndeshje ai është i gatshëm të thyej ca kocka (eshtra), për ata që nuk e dinë ‘Bone (Kocka)” është nofka e legjendarit Jones.

Jon Jones në karrierën e tij ka regjistruar 22 fitore, një humbje dhe asnjë barazim, kurse në anën tjetër Gustafsson ka 18 fitore, katër humbje dhe asnjë barazim. Ndeshja do të zhvillohet në vendin tonë të dielën më 30 dhjetor, ndërsa pritet të fillojë nga ora 06:00 me kohën tonë.

Në rast se Ilir Latifi fiton triumfon ndaj Corey Anderson, atëherë mund të ndeshet për titullin e lehtë të peshave të rënda me fituesin e duelit Jones-Gustafsson.

Nëse fiton Gustafsson atëherë përballja e tij me yllin shqiptar nga Kosova do ishte në pikëpyetje, kjo pasi dyshja janë shokë të ngushtë dhe stërviten së bashku tash e shumë vite.

Shpesh herë në deklarata kanë thënë se ata nuk do të ndesheshin asnjëherë ndaj njëri-tjetrit dhe se do gjenin një zgjidhje që meçi mos të ndodhte.

Latifi-Anderson përfundojnë matjet zyrtare: Shqiptari nuk harron të bëjë shqiponjën, tregon respekt për amerikanin
Lexo po ashtu Latifi-Anderson përfundojnë matjet zyrtare: Shqiptari nuk harron të bëjë shqiponjën, tregon respekt për amerikanin

Për një duel të mundshëm mes tyre është folur shumë herë në media, në rast se do të ndodhte, atëherë do ishte ngjarja e vitit në Suedi. /Telegrafi/

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Agjenti i Alphonso Davies godet Bayernin, shpjegon situatën e kanadezit

Agjenti i Alphonso Davies godet Bayernin, shpjegon situatën e kanadezit

Bundesliga
Real Madridi fërkon duart, shumë lojtarë të Man Cityt kthehen të dëmtuar nga kombëtaret

Real Madridi fërkon duart, shumë lojtarë të Man Cityt kthehen të dëmtuar nga kombëtaret

Liga e Kampionëve
Kalo në kategori