Mesfushori i Manchester Cityt, Ilkay Gundogan është i gatshëm të vazhdojë kontratën me klubin.

Gjermanit i kanë mbetur edhe 18 muaj kontratë të vlefshme klubin anglez dhe negociatat janë në vazhdim e sipër me Citizens.

Por, futbollisti ka lënë të kuptohet se mund të largohet nga ekipi i sheikëve, nëse në drejtim të tij vjen një ofertë joshëse.

“Është bërë normale që lojtarëve që u ka mbetur edhe një vit kontratë, atë ta zgjasin apo të kundërtën”, tha ai.

“Unë jam pak i modës së vjetër. Është e mundur që të largohem në vitin e fundit të kontratës. Ndoshta kontrata tjetër do të ishte e fundit në karrierën time, kështu që një vendim i tillë duhet të merret parasysh mirë”.

Të gjitha lajmet rreth Manchester Cityt Të gjitha lajmet rreth Manchester Cityt

“Ne tashmë kemi pasur një ose dy bisedime. Nuk mendoj se ka presion mbi këtë temë. Në kushtet sportive, jam shumë i kënaqur me Citizens – ka vende më pak tërheqëse në Evropë! Në këtë drejtim, nuk ka asgjë që mund të ma parandalon një zgjatje, por asgjë nuk është vendosur ende”, pohoi turko-gjermani.

Ndryshe, 28-vjeçari deri më tani është paraqitur 60 herë për qytetarët dhe ka realizuar 11 gola. /Telegrafi/