Guardiola e përshkruan De Zerbin si askënd tjetër

Trajneri i Manchester Cityt, Pep Guardiola ka plotë lëvdata për homologun e tij të Brighton, Roberto de Zerbi.

Kampioni i saposhpallur takohet me kundërshtarin nga Liga Premier të mërkurën mbrëma.

“Unë e përgëzoj Brightonin për arritjen e tyre të jashtëzakonshme për të hyrë në Ligën e Evropës”, ka deklaruar trajneri katalunas.

Lexo po ashtu Super kompjuteri parashikon top 10 më të mirët e sezonit të ardhshëm në Ligën Premier -zhgënjim për Chelsean dhe Arsenalin

“Kini vëmendje asaj që do të them sepse jam shumë i bindur se kam të drejtë – Roberto de Zerbi është një nga trajnerët më me ndikim në 20 vitet e fundit”.

“Nuk ka asnjë skuadër që luan në mënyrën se si ata luajnë – është unike. Kam pasur ndjenjën kur ai mbërriti në Ligën Premier se ndikimi do të ishte i madh, por nuk mund të prisja që ai do ta bënte këtë në këtë kohë të shkurtër”.

“Ai krijon mesatarisht 20-25 raste në një lojë. Ai është shumë më i mirë se të gjithë kundërshtarët, ai e monopolizon topin në një mënyrë që nuk e kam parë për një kohë të gjatë”.

Lexo po ashtu Jack Grealish iu hakmor Gutit për komentet e bëra për lojën e tij ndaj Real Madridit

Ai vazhdoi: “Të gjithë janë të përfshirë – portieri është si një mesfushor mbajtës. Dhe nëse nuk luan një nivel të lartë, ai (De Zerbi) mund të bëjë çfarë të dojë kundër teje dhe kundër të gjithë kundërshtarëve”.

“Ata i meritojnë plotësisht të gjitha komplimentet dhe suksesin që kanë. Është një nga ekipet që përpiqem të mësoj shumë. Është unik si një restorant me yje Michelin – në Kataluni, kuzhinieri më i mirë për shumë e shumë vite, ai ndryshoi plotësisht kuzhinën”.

“Dhe është një sfidë e mirë, e pabesueshme për ne që të ndihmojmë në përgatitjen për dy finalet, absolutisht”, ka shtuar më tej Guardiola. /Telegrafi/