Atletico Madridi fitoi ndaj Valencias me rezultat 1-0 në La Liga.

Në aspektin sportiv për skuadrën e Diego Simeones ishte një fitore dhe ndeshje shumë e rëndësishme.

Godin në momentin e lëndimit (Foto: Marca)

Por, në aspektin shëndetësor për Diego Godinin ishte një takim për t’u harruar.

Mbrojtësi uruguaian në minutën e 47-të kishte një përballje të ashpër në ajër me portierin kundërshtar, Neto, dhe nga kjo humbi disa dhëmbë.

Momenti i goditjes – Foto: BR Football

Ai menjëherë u zëvendësua nga Juanfran. Gjyqtari kryesor nuk akordoi penallti për vendasit dhe as nuk e ndëshkoi portierin kundërshtar pasi gjykoi se ishte luftë për top dhe gjithçka ishte e paqëllimshme.

Godin teksa largohej nga fusha (Foto: BR Football)

Minuta më parë Atleticos iu lëndua edhe mbrojtësi Stefan Savic dhe me shumë mundësi dyshja e qendrës do të mungojnë ndaj Malagas.

Golin për vendasit e shënoi në minutën e 59-të Angel Correa. /Telegrafi/