Më në fund është arritur marrëveshja dhe Galatasaray po bëhet me trajner të ri.

Gjiganti turk ka gjetur gjuhë të përbashkët me ish-legjendën e klubit Okan Buruk i cili sot pritet të mbërrijë në Stamboll për të nënshkruar kontratë dy vjeçare.

Gazeta e madhe turke Fanatik ka raportuar se Buruk i ka bërë të qartë drejtuesve të klubit se transferimi i tij i parë duhet të jetë Vedat Muriqi.

Dyshja kanë qenë së bashku edhe te Rizespor ku Muriqi filloi shkëlqimin në elitën e futbollit turk para se t’i bashkohej Fenerbahces.

Reprezentuesi kosovar është nën kontratë me Lazion, por gjashtë muajt e fundit i kaloi me plot sukses në La Liga, ku shpëtoi Mallorcan pa rënë nga elita e futbollit spanjoll.

Prizrenasi zhvilloi 15 ndeshje në La Liga duke shënuar katër gola e duke asistuar në tre të tjerë.

Muriqi dhe Rashica shijojnë bashkë pushimet në Turqi Muriqi dhe Rashica shijojnë bashkë pushimet në Turqi

Lazio është gati ta largojë yllin kosovar dhe tanimë i ka caktuar çmimin e largimit prej 15 milionë euro.

Përveç Galatasarayt në garë mbetet edhe Mallorca, por problemi mbetet çmimi i kërkuar nga Lazio. /Telegrafi/