Tyson Fury do ta mbrojë titullin WBC në kategorinë e peshave të rënda kundër Deontay Wilder në muajin tetor të këtij viti.

Dy boksierët janë pajtuar që ta kompletojnë trilogjinë mes tyre, ndërkohë që numërojnë një barazim dhe një fitore të britanikut në dy meçet e mëparshme.

Gipsy King ia mori titullin amerikanit duke ia shkaktuar humbjen e parë në karrierë në duelin e zhvilluar në muajin shkurt në Las Vegas, kur e mposhti me nokaut teknik në raundin e shtatë.

Deontay Wilder dhe Tyson Fury (Foto: Al Bello/Getty Images/Guliver)

Wilder e aktivizoi klauzolën për rimeç që duhej të ndodhte në muajin korrik, mirëpo për shkak të coronavirusit është shtyrë për datën 3 tetor.

Përballja potenciale mes Tyson Furyt dhe Anthony Joshuas mund të mos zhvillohet deri në fillim të vitit të ardhshëm shkaku i coronavirusit Përballja potenciale mes Tyson Furyt dhe Anthony Joshuas mund të mos zhvillohet deri në fillim të vitit të ardhshëm shkaku i coronavirusit

“Do të jem i obliguar që t’i jap më shumë. Asnjëherë nuk mërzitesh duke e rrahur Deontay Wilderin. Është një nga ato gjëra që e bën me krenari”.

Deontay Wilder në duelin ndaj Tyson Fury (Foto: Al Bello/Getty Images/Guliver)

“Unë e bëra vërtet atë që thash se do ta bëja. Jo shumëkush, sidomos në boks, thotë diçka dhe pastaj e bën saktësisht atë që e thotë”.

“Isha krenar me atë paraqitje. Mezi pres të kalojë kjo çështja e coronavirusit, të kthehet bota në normalitet dhe ta kryej punën time”, ka deklaruar Fury në emisionin Good Morning BritainITV. /Telegrafi/