Përballja potenciale e Tyson Furyt me titullin e kampionit të unifikuar me Anthony Joshuan mund të mos zhvillohet deri në muajin shkurt të vitit të ardhshëm.

AJ do të përballet fillimisht për Kubra Pulevin, mirëpo edhe aty ka ndryshuar data, pasi do të zhvillohej më 20 qershor, derisa tani pritet që të jetë më 25 korrik.

Në anë tjetër, Gypsy King do të zhvillonte trilogjinë me Deontay Wilderin, e që tani është shtyre dhe mund të zhvillohet në muajin tetor.

Promomuesi i Furyt, Frank Warren ka konfirmuar se ata tani do të zhvillojnë vetëm përballjen me Bronze Bomber e ajo me Joshuan duhet të pres deri në fillim të vitit 2021.

"Tyson Fury do të bënte që Anthony Joshua të dukej si një askush në rast se përballen" - kështu thotë Paulie Malignaggi "Tyson Fury do të bënte që Anthony Joshua të dukej si një askush në rast se përballen" - kështu thotë Paulie Malignaggi

“Situata aktuale, na detyron që të zhvillohet vetëm edhe një përballje në këtë vit, derisa tjetra (kundër Joshuas) duhet të pres deri në muajin shkurt të vitit të ardhshëm”, ka thënë ai.

Kujtojmë se të gjitha aktivitetet në boks janë suspenduar dhe ende nuk ka ndonjë datë zyrtare se kur mund të kthehen. /Telegrafi/