Formacioni më i mirë i javës V-të në IPKO Superligë, futbollistët e Feronikelit dhe Ballkanit e thanë fjalën kryesore

Është mbyll edhe java e pesë e IPKO Superligës me rezultate mjaftë interesante dhe ndeshje shumë të forta.

Feronikeli e ka fituar bindshëm derbin ndaj Dritës, duke e mposhtur këtë të fundit me katër gola epërsi.

‘Industrialistët’ shkëlqyen si ekip, por kishte edhe individ që thanë fjalën e tyre.

Ballkani kanë fituar si mysafirë, ndërsa lojtarë të saj kanë treguar formë shumë të mirë.

Më poshtë e gjeni formacionin më të mirë të javës të zgjedhur nga Telegrafi.

Portier

Ishte java e portierëve. Flamur Neziri me pritjet e tij i siguroi një pikë Flamurtarit. Ai është portier i javës.

Paraqitje superiore kishin edhe Armend Blakçori ndaj Prishtinës dhe Florijan Smakiqi ndaj Dritës.

Mbrojtja

Në të djathtë Përparim Islami. Më meritori të goli që e zhbllokoi ndeshjen, ndërsa i pandalshëm gjatë gjithë ndeshjes.

Në qendër Visar Berisha i Ballkanit dhe Adnan Haxhaj i Ferizajt.

Mbrojtës i majtë vend e ka siguruar Arbër Mone, pas paraqitjes së mirë ndaj Prishtinës.

Mesfusha

Taulant Dajaku në qendër së bashku me Egzon Shabanin. Të dy shënuan gola të rëndësishëm për skuadrat e tyre që sollën edhe pikë.

Më të avancuar janë Mendurim Hoti (Feronikeli), Jetmir Topalli (Ballkani) dhe Qëndrim Gashi (Liria).

Sulmi

I vetëm por vlen sa dy. Kastriot Rexha është zhbllokuar pikërisht kundër ish-skuadrës.

Madje ai arriti të shënojë dy herë duke e fundosur Dritën. /Telegrafi/