Si çdo javë edhe këtë të hënë Telegrafi ka zgjedhur formacionin më të mirë të javës të futbollistëve shqiptarë nëpër botë.
Disa nga ta kanë shënuar e disa tjerë kanë asistuar duke treguar se futbollistët tanë po kalojnë momente tejet të mira me klubet e tyre.
Për këtë javë formacioni është zgjedhur 4-3-3, me Etrit Berishën në portë që tregoi edhe njëherë tjetër kualitetet e tij në Serie A.
Etrit Berisha – I sigurt në çdo goditje të Fiorentinës, duke pritur gjashtë sosh dhe duke i siguruar skuadrës së tij një barazim me vlera 0-0. Me plot meritë u shpall lojtari i ndeshjes.
Frederik Veseli – Priti afro dy muaj për debutim me Empolin dhe kur i erdhi rasti e shfrytëzoi në mënyrën më të mirë. Veseli kishte një paraqitje shumë të mirë përballë Genoas duke e ndalur në barazim 0-0.
Shkodran Mustafi – Fjalët janë të pakta për ta përshkruar mbrojtësin nga Gostivari. Arsenali triumfoi 3-2 ndaj Swanseas dhe ka rrezikuar të barazohej ndeshja, por Mustafi ka bërë disa ndërhyrje të mrekullueshme duke ndalur uellsianët gjë që u vlerësua lartë në Angli.
Mërgim Mavraj – Po kalon nëpër formë jetësore. Kolni i tij mposhti 2-1 Ingolstadin dhe Mavraj ishte më i miri në mbrojtje duke u futur në formacionin më të mirë të javës nga Kicker.
Leart Paqarada – Me Kosovën dëshpëroi mirëpo me tu kthyer në klub e ka kthyer formën e mirë. Paqarada asistoi në golin e dytë të Sandhausenit në barazimin 2-2 në udhëtim tek Bochum.
Taulant Xhaka – Po fluturon drejt një tjetër titulli me Baselin në Zvicër. Si gjithmonë titullar dhe më i miri në fushë ndaj Luzernit ku asistoi edhe tek goli i dytë në fitoren 3-0 të kampionit aktual zviceran.
Valon Behrami – Përvoja e tij e madhe është tepër e nevojshme për Watfordin. Behrami kishte paraqitje të shkëlqyeshme për skuadrën e tij që triumfoi në udhëtim 0-1 ndaj Middlesbrough.
Alban Meha – Ka filluar ta kthejë formën e vitit të kaluar dhe ka fituar vendin e titullarit tek Konyaspor. Meha ishte lojtar i ndeshjes ku Konyaspor arriti ta ndalë në barazim 1-1, liderin Istanbul Baskasehir.
Bersant Celina – Gjithmonë i rrezikshëm në sulmet e Twentes. Celina nuk shënoi këtë javë por asistoi në barazimin 2-2 të skuadrës së tij ndaj Zwolles. Kosovari u fut edhe në formacionin më të mirë të javës në Holandë.
Mërgim Berisha – Po rritet me hapa gjigant. Talenti i ri kosovar shënoi dy gola për skuadrën austriake Liefering në fitoren e thellë 5-1 tek FAC Wien. Është i gatshëm për një skuadër më të madhe edhe pse ka vetëm 18 vite. Berisha ka shënuar nëntë gola këtë edicion në Austri.
Arber Zeneli – Djaloshi nga Kosova i ka bërë të gjithë për vete duke shënuar vazhdimisht e duke asistuar. Edhe këtë javë më i miri në fushë për Heerenveenin duke shënuar golin e parë në fitoren 3-0 në derbi përballë Groningenit. 21-vjeçari ka shpërthyer dhe pritet që pas tij të vihen skuadrat e mëdha evropiane. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shevchenko prezanton një revolucion në futboll, gjyqtarët ukrainas do të shkojnë në detektorin e gënjeshtrës
Si e “tradhtoi” Rudiger shokun e tij më të mirë në futboll gjatë ekzekutimit të penalltive në Man City-Real
Përballja për titull, si luajtën në tri takimet e para Ballkani dhe Drita
Granit Xhaka 'mbulohet' me para nga Leverkuseni me fitimin e titullit në Bundesligë
Trajneri i Fiorentinës shkaktoi skandal në Ligën e Konferencës - puthi gazetaren italiane
Puyol përfshihet në zënkën mes Gundogan dhe Araujo
Gjëja e parë që bënë lojtarët e Real Madridit pas penalltisë fituese të Rudigerit kundër Man Cityt
Para të gjithëve, si e kishte parashikuar saktë Ancelotti rrugëtimin e Alonsos për trajner
Rregulli i rreptë që duhet të ndjekë Zinedine Zidane nëse bëhet trajner i Bayern Munichut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel