Derby della Madonnina nuk mund të prodhonte tension ndërmjet dy klubeve rivale. Milani dhe Interi u ndanë baras (1-1), por nuk munguan situatat interesante brenda dhe jashtë fushës.

Reklama

Fokusi kryesor ishte Hakan Calhanoglu, i cili në verën që lamë pas u largua nga Rossonerët për të nënshkruar me Nerazzurrët si futbollist i lirë.

Ndërsa që në derbin e parë ndërmjet dy rivalëve, mesfushori turk nxori një penallti dhe vendosi ta ekzekutonte vet duke e konvertuar në gol.

Më pas, ai zgjodhi ta festonte golin, edhe pse kujtimet nga Milani i ka të freskëta, për më shumë, fillimisht u nis kah flamuri në kënd, por më pas u ndal përballë Curva Sud për t’i ngacmuar me gjestin e vendosjes së duarve prapa veshëve.

Reklama
Festa e Calhanoglut para tifozëve të Milanit nxit debat Festa e Calhanoglut para tifozëve të Milanit nxit debat
Reklama

Njëherësh, Calhanoglu ka thënë edhe disa fjalë kundrejt bankës së Rossonerëve, ku ndodhej edhe Alessandro Florenzi, i cili ka përjetuar derbi të shumta të nxehta sa luante te Roma.

Derisa mesfushori i Interit vazhdonte festën provokuese, mbrojtësi i huazuar te Milani hyri në fushë dhe filloi t’ia kthente futbollistit turk.

Gjyqtari i katërt e kuptoi situatën dhe ndërhyri për ta kthyer italianin në zonën teknike, derisa ndërhynë edhe disa pjesëtarë të stafit të Rossonerëve. /Telegrafi/